গুৱাহাটীৰ ৰাজপথত অৱমাননা উচ্চতম ন্যায়ালয়ৰ নিৰ্দেশ

News18 Assam | News18-Assam
Updated:February 22, 2020, 5:17 PM IST
গুৱাহাটীৰ ৰাজপথত অৱমাননা উচ্চতম ন্যায়ালয়ৰ নিৰ্দেশ
নিৰ্ভয়া কাণ্ডৰ পিছত দিয়া ৰায়দানক গুৰুত্বহীন; নিৰ্লিপ্ত পৰিবহণ বিভাগ, যান-বাহন আৰক্ষী

নিৰ্ভয়া কাণ্ডৰ পিছত দিয়া ৰায়দানক গুৰুত্বহীন; নিৰ্লিপ্ত পৰিবহণ বিভাগ, যান-বাহন আৰক্ষী

  • Share this:
গুৱাহাটী ৰাজপথত চিটী বাছ নিয়ন্ত্ৰণ কৰিবলৈ কঠোৰ হৈছে পৰিবহণ নিগম। চিটী বাছ সমূহে যা’তে ট্ৰেফিক আইন উলংঘা কৰিব নোৱাৰে, তাৰ বাবে পৰিবহণ বিভাগে চিটী বাছৰ পিছফালে ওলমাই দিছে পৰিবহণ নিগমৰ দুটাকৈ Whatsapp নম্বৰ।  সেই নম্বৰ সকলোৰে দৃশ্যমান হোৱাকৈ চিটী বাছৰ পিছফালে লগোৱাটো বাধ্যতামূলক কৰিছে আৰক্ষীয়ে। আৰক্ষীৰ এই নিৰ্দেশনাৰ পিছতে এতিয়া মহানগৰীৰ একাংশ চিটী বাছে এই ফলক আঁৰি ঢাকি দিছে পিছফালৰ গ্লাছত ৷ ফলত ভংগ হৈছে মহিলাৰ সুৰক্ষাৰ ক্ষেত্ৰত উচ্চতম ন্যায়ালয়ে প্ৰদান কৰা এক নিৰ্দেশনা।

২০১২ চনত উচ্চতম ন্যায়ালয়ে দিয়া নিৰ্দেশনা অনুসৰি কোনো গাড়ীতেই ক'লা বা যিকোনো ৰঙৰ গ্লাছ লগাব নোৱাৰে বা অন্যান্য সামগ্ৰী যেনে পৰ্দা বা জাল, ছেফটি গ্লাছ গাড়ীৰ খিৰিকীৰ সন্মুখ বা পিছৰ বা কাষৰ খিৰিকীত লগাব নোৱাৰিব ৷ কিমান শতাংশ পোহৰ ভিতৰলৈ সোমাইছে বা যাত্ৰীয়ে বাহিৰৰ দৃশ্য কিমান শতাংশ চাব পাৰিছে সেয়া প্ৰযোজ্য নহয় ৷

উল্লেখযোগ্য যে,  ২০১২ বৰ্ষৰ নিৰ্ভয়া কাণ্ড, য’ত এখন চলন্ত বাছৰ পৰ্দাৰ আঁৰত এগৰাকী যুৱতীক ধৰ্ষণ কৰা হৈছিল ৷ এই ঘটনাৰ আধাৰতেই উচ্চতম ন্যায়ালয়ে দিছিল সেই গুৰুত্বপূৰ্ণ ৰায় ৷  মহিলাৰ সুৰক্ষাৰ দিশটোৰ প্ৰতি লক্ষ্য ৰাখি উচ্চতম ন্যায়ালয়ে দিয়া সেই ৰায়দান এতিয়া ৰাজহুৱাভাৱে ভংগ হৈছে গুৱাহাটীৰ ৰাজপথত ৷

এই সন্দৰ্ভত প্ৰতিক্ৰিয়া ব্যক্ত কৰি নাৰী অধিকাৰ কৰ্মী সুমিত্ৰা হাজৰিকাই কয়, 'পৰিবহণ বিভাগে উচ্চতম ন্যায়ালয়ৰ নিৰ্দেশ ভংগ কৰিছে ৷ বাছৰ গ্লাছ আন্ধাৰ কৰি দিলে কোনেও একো নেদেখিব ৷ আনকি বাছসমূহত cctvৰ ব্যৱস্থাও নাই ৷ যদি আন্ধাৰৰ সুযোগত কোনো লোকে তেনে ঘটনা সংঘটিত কৰে, তেতিয়া কি হ'ব ৷'
Published by: Himangshu Bhuyan
First published: February 22, 2020, 5:17 PM IST
আৰু চাওক
পৰৱৰ্তী বাতৰি

শেহতীয়া বাতৰি