MLA Mrinal Saikia's Cycle Stolen : আজৱ কাণ্ড! বিধায়ক আৱাসৰ পৰা চুৰি হ'ল বিধায়ক মৃণাল শইকীয়াৰ চাইকেল, বিধানসভাৰ সচিবক পত্ৰ।

চোৰ নহয়, গভাইত চোৰ। এইবাৰ গভাইত চোৰ সোমাইছে বিধানসভাৰ বিধায়ক আৱাস এলেকাত। খুমটাইৰ বিধায়ক মৃণাল শইকীয়াৰ চাইকেল চুৰি কৰি নিলে চোৰে।

অসম বিধানসভাৰ বাজেট অধিবেশন চলি থকাৰ মাজতে চোৰে নিলে বিধায়কৰ চাইকেল। ইয়াকে লৈ দিছপুৰত হৈছে ব্যাপক চৰ্চা। বিধায়ক শইকীয়াই ছচিয়েল মিডিয়াতো ছেয়াৰ কৰিছে এই কথা।



বিধায়ক শইকীয়াই আহ্বান জনাইছে যিজনেই চাইকেলখন লৈ গৈছে পুনৰ আগৰ স্থানত যেন থৈ যায়। তেওঁ চিচিটিভি ভিজুৱেল পৰীক্ষা কৰিও চোৰৰ অনুসন্ধান চলাইছে।

কিছুদিন পূৰ্বে অগপ বিধায়ক ফণী তালুকদাৰৰ ইনোভা গাড়ীও চুৰি কৰি নিছিল বিধায়ক আৱাস চৌহদৰ পৰা। তাৰ পিছতে বৃহস্পতিবাৰে বিধায়ক মৃণাল শইকীয়াৰ চাইকেল নিলে চোৰে।