• Home
  • »
  • News
  • »
  • assam
  • »
  • ‘মনত যদি বেয়া অভ্যাসে ঠাই পাইছিল, দলিয়াই পেলাওক, ভূমি সম্পৰ্কীয় কোনোক্ষেত্ৰত ধনৰ লেন-দেন সহ্য কৰা নহ’ব’ : উপায়ুক্ত বিশ্বজিৎ পেগু

‘মনত যদি বেয়া অভ্যাসে ঠাই পাইছিল, দলিয়াই পেলাওক, ভূমি সম্পৰ্কীয় কোনোক্ষেত্ৰত ধনৰ লেন-দেন সহ্য কৰা নহ’ব’ : উপায়ুক্ত বিশ্বজিৎ পেগু

কোনো ধৰণৰ ধনৰ লেন-দেন নকৰিবলৈ কঠোৰভাৱে এইক্ষেত্ৰত জড়িত বিষয়া-কৰ্মচাৰীসকলক সকীয়াই দিয়ে।

কোনো ধৰণৰ ধনৰ লেন-দেন নকৰিবলৈ কঠোৰভাৱে এইক্ষেত্ৰত জড়িত বিষয়া-কৰ্মচাৰীসকলক সকীয়াই দিয়ে।

কোনো ধৰণৰ ধনৰ লেন-দেন নকৰিবলৈ কঠোৰভাৱে এইক্ষেত্ৰত জড়িত বিষয়া-কৰ্মচাৰীসকলক সকীয়াই দিয়ে।

  • Share this:
২ অক্টোবৰত মুখ্যমন্ত্ৰীয়ে উদ্বোধন কৰিবলগীয়া ‘মিছন বসুন্ধৰা’ আঁচনিলৈ মাজত মাথোঁ কেইদিনমান বাকী থকা অৱস্থাত ভূমি সম্পৰ্কীয় বিভিন্ন আবেদন যাতে সমাধা কৰিব পৰা যায় আৰু এইক্ষেত্ৰত কোনোধৰণৰ আঁসোৱাহ নাথাকে, সেই উদ্দেশ্য আগত ৰাখি কামৰূপ মহানগৰ জিলা উপায়ুক্তৰ কাৰ্যালয়ৰ সভাকক্ষত মঙলবাৰে ভূমি সম্পৰ্কীয় এখন কৰ্মশালা অনুষ্ঠিত কৰা হয়। জিলা উপায়ুক্ত বিশ্বজিৎ পেগুৱে মুকলি কৰা এই কৰ্মশালাত জিলাখনৰ সকলো অতিৰিক্ত উপায়ুক্ত, মহকুমাধিপতি (সদৰ), চক্ৰ বিষয়াৰ উপৰি কাননগো, লাট মণ্ডল, পাঁচোটা ৰাজহ চক্ৰৰে বিষয়া-কৰ্মচাৰীয়ে অংশগ্ৰহণ কৰে।

কৰ্মশালাখন মুকলি কৰি জিলা উপায়ুক্তগৰাকীয়ে ভূমি হস্তান্তৰকৰণ, বেচা-কিনা পঞ্জীয়ন কৰা আদিৰ লগত কোনো ধৰণৰ ধনৰ লেন-দেন নকৰিবলৈ কঠোৰভাৱে এইক্ষেত্ৰত জড়িত বিষয়া-কৰ্মচাৰীসকলক সকীয়াই দিয়ে।

‘এতিয়াৰে পৰা আপোনালোকে জনসাধাৰণৰ হিতৰ বাবে কাম কৰাৰ বাবে পণ লওক। মনত যদি বেয়া অভ্যাসে ঠাই পাইছিল, দলিয়াই পেলাওক, আগৰ হিচাপ নিকাচ পাহৰি যাওক। মাটি বেচা-কিনা, পঞ্জীয়ন আদিৰ ক্ষেত্ৰত ধন লেন-দেনৰ কোনো অভিযোগ প্ৰমাণিত হ’লে কোনো ক্ষেত্ৰতে সহ্য কৰা নহ’ব’ - উপায়ুক্ত গৰাকীয়ে কয়।

কৰ্মশালাখনত অতিৰিক্ত উপায়ুক্ত গুণজিৎ ৰায় চৌধুৰীয়ে অসমৰ ভূমি ৰাজহ প্ৰশাসনৰ ইতিহাসৰ পৰা বৰ্তমান প্ৰেক্ষাপটলৈ বিভিন্ন বিষয়, ধ্ৰুৱ হাজৰিকাই বিভিন্ন ধৰণৰ ভূমি পট্টা, একচনীয়া পট্টাৰ পৰা ম্যাদী পট্টা, এলটমেণ্ট এণ্ড ছেটেলমেণ্ট অৱ লেণ্ড, লেণ্ড বেংক আদি বিষয়ত, গৌৰীশংকৰ দাসে অসমৰ ভূমি নীতি, ভি জি আৰ, পি জি আৰ আৰু সাধাৰণ ভূমি সুৰক্ষা/ সংৰক্ষণ আদি, বিপুল কুমাৰ দাসে কেনেকৈ ৰাজহ বিষয়ক প্ৰতিবেদন লিখিব লাগে আদি বিষয়ত বিশদ আলোচনা কৰে।
Published by:Sanjay Kumar Das
First published: