মুখ্যপৃষ্ঠা » খবৰ

» অসম

»মহানগৰবাসীক চৰকাৰৰ ১০০ দিন পূৰ্তিৰ উপহাৰ, একেলগে ৩খন পদসেতু মকলি

মহানগৰবাসীক চৰকাৰৰ ১০০ দিন পূৰ্তিৰ উপহাৰ, একেলগে ৩খন পদসেতু মকলি

News18 Assam | News18-Assam
Updated:August 20, 2021, 10:30 PM IST
মহানগৰবাসীক চৰকাৰৰ ১০০ দিন পূৰ্তিৰ উপহাৰ, একেলগে ৩খন পদসেতু মকলি
আদাবাৰী, বৰিপাৰা, শুক্ৰেশ্বৰ মন্দিৰৰ সন্মুখত পদসেতু (Foot Bridge) তিনিখন মুখ্যমন্ত্ৰী হিমন্ত বিশ্ব শৰ্মা (Himanta BiswaSarma)ই মুকলি কৰে ৷

আদাবাৰী, বৰিপাৰা, শুক্ৰেশ্বৰ মন্দিৰৰ সন্মুখত পদসেতু (Foot Bridge) তিনিখন মুখ্যমন্ত্ৰী হিমন্ত বিশ্ব শৰ্মা (Himanta BiswaSarma)ই মুকলি কৰে ৷

  • Share this:
ৰাজ্য চৰকাৰৰ ১০০ দিন সম্পূৰ্ণ হোৱাৰ দিনাই মহানগৰবাসীৰ বাবে ভাল খবৰ ৷ গুৱাহাটীত এদিনত মুকলি হ'ল তিনিখনকৈ উৰণীয়া পদসেতু (Foot Bridge) ৷  আদাবাৰী, বৰিপাৰা, শুক্ৰেশ্বৰ মন্দিৰৰ সন্মুখত পদসেতু তনিখন মুকলি কৰা হয়। মুখ্যমন্ত্ৰী হিমন্ত বিশ্ব শৰ্মা (Himanta BiswaSarma)ই আনুষ্ঠানিকভাৱে মুকলি কৰিলে পদসেতু কেইখন ৷

পদসেতু মুকলিৰ জড়িয়তে গুৱাহাটীৰ আধুনিকীকৰণৰ পথত আৰু এখোজ দিয়া বুলি উল্লেখ কৰে মুখ্যমন্ত্ৰীয়ে ৷ অতি কম সময়ৰ ভিতৰতে মুকলি কৰা হয় পদসেতু তিনিখন ৷ প্ৰায় ৩০ কোটি টকা ব্যয় সাপেক্ষে নিৰ্মাণ কৰা হৈছে পদসেতুকেইখন ৷ ইয়াৰ জড়িয়তে মহানগৰীৰ যান-জঁট তথা দুৰ্ঘটনা ৰোধ কৰিব পৰা যাব বুলি উল্লেখ কৰে ৷

এই অনুষ্ঠানতে মুখ্যমন্ত্ৰীয়ে ঘোষণা কৰিলে যে সলনি হ'ব কামৰূপ মহানগৰ জিলা উপায়ুক্তৰ কাৰ্যালয় ৷ পাণবজাৰৰ পৰিৱৰ্তে নতুন কাৰ্যালয় হ'ব ৰূপনগৰত ৷ ৰূপনগৰৰ ASTC আস্থানৰ ভূমিত নিৰ্মাণ হ'ব নতুন উপায়ুক্ত কাৰ্যালয় ৷

মুখ্যমন্ত্ৰীয়ে লগতে কয়ে যে  দীপাৱলীৰ সময়তে মুকলি হ'ব ছুপাৰ মাৰ্কেটৰ উৰণীয়া সেতু ৷

এই অনুষ্ঠানত উপস্থিত থাকে গুৱাহাটী মহানগৰ উন্নয়ন বিভাগৰ মন্ত্ৰী অশোক সিংঘল,  গুৱাহাটীৰ সাংসদ কুইন ওজা, পূৱ গুৱাহাটী ৰ বিধায়ক সিদ্ধাৰ্থ ভট্টাচাৰ্যকে ধৰি কেইবাগৰাকী আমোলা ৷
Published by: Manjumoni Borah
First published: August 20, 2021, 10:30 PM IST
আৰু চাওক
পৰৱৰ্তী বাতৰি

শেহতীয়া বাতৰি