দিছপুৰ নহয়, গুৱাহাটী উচ্চ ন্যায়ালয় দখল কৰিব পাৰে বহিঃৰাজ্যই ! চাঞ্চল্যকৰ মন্তব্য BJP বিধায়কৰ...

মুখ্যমন্ত্ৰী হিমন্ত বিশ্ব শৰ্মা চৰকাৰক সতৰ্কবাণী দিছপুৰৰ বিধায়ক অতুল বৰাৰ ৷ দুদিন পূৰ্বে নাগালেণ্ড দিছপুৰ দখলৰ কৰিব বুলি গুৰুত্বপূৰ্ণ মন্তব্য কৰাৰ ঠিক পিছত এইবাৰ আৰু এখোপ চৰা মন্তব্য অতুল বৰাৰ ৷ বৰাৰ দাবী মাথোন দিছপুৰ নহয় গুৱাহাটী উচ্চ ন্যায়ালয় দখল কৰিব বহিঃৰাজ্যই ৷

সাত ভনীৰ মৰমৰ চানেকি প্ৰদান কৰে অসমে কিন্তু অসমক বিপৰীত চকুৰে প্ৰত্যক্ষ কৰে মেঘালয়, মিজোৰাম, নাগালাণ্ডে ৷ সেয়ে যিকোনো সময়ত সীমান্ত ভেদ কৰি হয় দিছপুৰ নহয় উচ্চ ন্যায়ালয় দখল কৰিব পাৰে বহিঃৰাজ্যই বুলি মন্তব্য কৰে অতুল বৰাই ৷ আমাৰ সংঘাত নগা, মিজো লোক নহয়, আমাৰ সংঘাত নাগালেণ্ড, মেঘালয়, মিজোৰামৰ মুখ্যমন্ত্ৰী ৷ ৰাজ্যৰ মুখ্যমন্ত্ৰীৰ সৈতে হ'বলগীয়া আলোচনা, মীমাংসা, সমাধান যি ধৰণে হ'ব লাগিছিল সেয়া হোৱা নাই ৷ যাৰ পৰিণতি অসমৰ সীমান্তৰ ৰাজ্যৰ সৈতে সীমা সমস্যা ৷

ইপিনে অতুল বৰাৰ সুৰতে সুৰ মিলাই সদৌ অসম দুৰ্নীতি যুৱ শক্তিয়ে ক'লে অসমৰ সীমা সমস্যা ৰোধত দুৰ্বল স্থিতি মুখ্যমন্ত্ৰী হিমন্ত বিশ্ব শৰ্মাৰ ৷ মেঘালয়, মিজোৰামৰ মুখ্যমন্ত্ৰীক জৱাবদিহি কৰিব নোৱাৰিলে হিমন্ত বিশ্বই ৷ আৰক্ষীক শিল গুটি দলিওৱা প্ৰসংগত যদি NIA তদন্ত হয় তেন্তে আৰক্ষী নিহত কৰা ঘটনাৰ কিয় নহয় উচ্চ পৰ্য্যায়ৰ তদন্ত ৷ নিজকে দুৰ্বল মুখ্যমন্ত্ৰী ৰূপে চিনাকি দিব বিচাৰিছে নেকি হিমন্ত বিশ্ব শৰ্মাই? প্ৰশ্ন দুৰ্নীতি যুৱ শক্তিৰ ৷