உங்கள் மாவட்டத்தைத் தேர்வுசெய்க

    • Home
    • »
    • News
    • »
    • assam
    • »
    • Himanta Biswa Sarma: আন্তৰ্জাতিক ষড়যন্ত্ৰ চলিছে মুখ্যমন্ত্ৰীৰ বিৰুদ্ধে, ষড়যন্ত্রত নামিছে আব্দুল খালেক : বিজেপি

    Himanta Biswa Sarma: আন্তৰ্জাতিক ষড়যন্ত্ৰ চলিছে মুখ্যমন্ত্ৰীৰ বিৰুদ্ধে, ষড়যন্ত্রত নামিছে আব্দুল খালেক : বিজেপি

    মুখ্যমন্ত্ৰী হিমন্ত বিশ্ব শৰ্মা

    মুখ্যমন্ত্ৰী হিমন্ত বিশ্ব শৰ্মা

    Himanta Biswa Sarma: মুখ্যমন্ত্ৰী বিৰুদ্ধে সাংসদ আব্দুল খালেকৰ গোচৰ ৰাজনৈতিক উদ্যেশ্য প্ৰণোদিত আৰু আন্তঃৰাষ্ট্ৰীয় ষড়যন্ত্ৰৰ অংশ বিশেষ বুলি অভিযোগ বিজেপিৰ।

    • Share this:
    গৰুখুঁটি প্রকল্প আৰু অসমৰ মুখ্যমন্ত্রী হিমন্ত বিশ্ব শৰ্মা (Himanta Biswa Sarma)ৰ বিৰুদ্ধে ৰাজনৈতিক উদ্দেশ্যপ্রণােদিতভাৱে এক আন্তঃৰাষ্ট্ৰীয় ষড়যন্ত্র (International Conspiracy)ত লিপ্ত হৈছে একাংশ তথাকথিত বুদ্ধিজীৱী, ৰাজনৈতিক দল-সংগঠন তথা ব্যক্তি। কংগ্ৰেছী সাংসদ আব্দুল খালেক (Abdul Khalek)ৰ বক্তব্যও এই ষড়যন্ত্রৰ অংশবিশেষ। এক প্ৰেছ বিবৃতিত বিজেপি অসম প্রদেশ (Assam BJP)ৰ মুখপাত্র সুভাষ দত্তই এই অভিযোগ কৰি কয়, "গৰুখুঁটিত অসমৰ জাতীয় জীৱনৰ আৱেগ জড়িত হৈ আছে। ঐতিহাসিক অসম আন্দোলনত এই গৰুখুঁটিত কেইবাজনাে ভূমিপুত্ৰই প্রাণ আহুতি দিছিল। তেনেস্থলত এই গৰুখুঁটি (Garukhuti) উদ্ধাৰ আৰু প্রকল্প ৰূপায়ণ কৰাতাে এক জাতীয় দায়িত্ব। অসমৰ মুখ্যমন্ত্রী ডঃ হিমন্ত বিশ্ব শৰ্মাই এই জাতীয় দায়িত্ব নিষ্ঠা সহকাৰে পালন কৰিছে।"

    বিবৃতিটোত মুখপাত্র সুভাষ দত্তই কয়, "অবৈধ অনুপ্রৱেশকাৰী ৰহিংগ্যাৰ বাবে মৰিবলৈও সাজু হােৱা আব্দুল খালেক অবৈধ অনুপ্রৱেশকাৰী (Illegal Immigrants) বেদখলকাৰীৰ যে প্রবক্তা স্বৰূপ আজি অসমৰ ৰাইজৰ সন্মুখত আকৌ এবাৰ স্পষ্ট হৈছে। ১৯৮৩ চনত দয়ানাথ শৰ্মাকে ধৰি খিলঞ্জীয়া ভূমিপুত্ৰৰ হত্যাকাৰী বেদখলকাৰীৰ পক্ষ লৈ আব্দুল খালেকে খিলঞ্জীয়া বিৰােধী স্থিতি গ্রহণ কৰি ভ্ৰষ্টাচাৰী কংগ্রেছৰ খিলঞ্জীয়া বিৰােধী স্থিতিও আকৌ এবাৰ প্রমাণিত কৰিছে। অসমৰ খিলঞ্জীয়া ভূমিপুত্র জনগােষ্ঠীৰ বাসভূমি-কৃষিভূমিও অবৈধ অনুপ্রৱেশকাৰীৰে ভৰাই ভৱিষ্যতে অসমক ইছলামিক ৰাষ্ট্রৰ লগত চামিল কৰাৰ জিন্নাৰ সপােন বাস্তৱায়িত কৰিবলৈ নিৰৱচ্ছিন্ন অপচেষ্টা অব্যাহত ৰখা আব্দুল খালেকৰ দৰে ৰহিংগ্যা (Rahingya) প্রেমী নেতাৰ এইয়া আগ্রাসী ৰূপৰ চূড়ান্ত নিদর্শন।"

    অসমৰ বিভিন্ন প্রান্তত চলি থকা অবৈধ বেদখল আৰু বেদখলকাৰীক উৎসাহিত কৰাৰ ৰাজনৈতিক উদ্দেশ্য আগত ৰাখি কংগ্ৰেছী সাংসদগৰাকীয়ে এক আন্তঃৰাষ্ট্ৰীয় ষড়যন্ত্রত লিপ্ত হােৱা বুলি অভিযােগ কৰি মুখপাত্র সুভাষ দত্তই আব্দুল খালেকৰ দৰে নেতাৰ পৃষ্ঠপােষকতা কৰা কংগ্ৰেছ দলে খিলঞ্জীয়া ভূমিপুত্র জনগােষ্ঠীয় ৰাইজৰ মাজলৈ যােৱাৰ নৈতিক অধিকাৰ কেতিয়াবাই হেৰুৱাই পেলাইছে বুলিও মন্তব্য কৰে।

    মুখ্যমন্ত্রী ডঃ হিমন্ত বিশ্ব শৰ্মাই জাতীয় দায়িত্ব পালন কৰিবলৈ যাওতে এনেধৰণৰ ষড়যন্ত্রৰ সন্মুখীন হ'ব লগা হৈছে বুলি বিবৃতিটোত প্ৰকাশ।

    Read all News in Assamese, Assam News Today, Entertainment News in Assamese, Business News in Assamese, Sports News in Assamese, Health News in Assamese, India News in Assamese

    গৰুখুঁটি অসমৰ জাতীয় জীৱনৰ বাবে এক স্বাভিমান আৰু আদৰ্শৰ প্রকল্প’আৰু ইয়াকে লৈ কোনাে ষড়যন্ত্র আৰু অপ-প্রচাৰ সহ্য কৰা নহব বুলিও মুখপাত্রজনে বিবৃতিখনত সকলাে সংশ্লিষ্টকে সকীয়াই দিছে।
    Published by:Manjumoni Borah
    First published: