Himanta Biswa Sarma Birthday: আজি মুখ্যমন্ত্ৰী হিমন্ত বিশ্ব শৰ্মাৰ জন্মদিন, ৫৩ বছৰত ভৰি দিলে মুখ্যমন্ত্ৰী শৰ্মাই

৫৩ বছৰত ভৰি দিলে ৰাজ্যৰ মুখ্যমন্ত্ৰী হিমন্ত বিশ্ব শৰ্মা (Himanta Biswa Sarma)ই। এইটো হৈছে মুখ্যমন্ত্ৰী হিচাপে হিমন্ত বিশ্ব শৰ্মাৰ প্ৰথমটো (Himanta Biswa Sarma Birthday) জন্মদিন। যোৱা ১০ মে'ত ৰাজ্যৰ মুখ্যমন্ত্ৰীৰূপে শপত গ্ৰহণ কৰাৰ পিছত এইটো হিমন্ত বিশ্ব শৰ্মাৰ পপ্ৰথমটো জন্মদিন। ইতিমধ্যে বিগত ৮ মাহত মুখ্যমন্ত্ৰীৰূপে হিমন্ত বিশ্ব শৰ্মাই ৰাজ্যখনক এক নতুন গতিৰে আগবঢ়াই নিয়াৰ ক্ষেত্ৰত বহু গুৰুত্বপূৰ্ণ পদক্ষেপ লৈছে। আজি জন্মদিনৰ দিনা সমগ্ৰ ৰাজ্যত বিভিন্ন প্ৰান্তত মুখ্যমন্ত্ৰীৰ জন্মদিন পালনৰ আয়োজন কৰা হৈছে।

১৯৬৯ চনৰ ১ ফেব্ৰুৱাৰীত জন্ম হৈছিল মুখ্যমন্ত্ৰী হিমন্ত বিশ্ব শৰ্মাৰ।অসমৰ পঞ্চদশ গৰাকী মুখ্যমন্ত্ৰী হিমন্ত বিশ্ব শৰ্মাই শৈশৱৰ পৰাই দিছিল নিজৰ প্ৰতিভাৰ উমান। ২০০১ চনত জালুকবাৰী সমষ্টিৰ পৰা প্ৰথমবাৰৰ বাবে বিধায়ক নিৰ্বাচিত হৈ অহাৰ পিছৰে পৰা অসমৰ ৰাজনীতিৰ চাণক্য ৰূপে নিজকে প্ৰতিষ্ঠা কৰিবলৈ সক্ষম হৈছে মুখ্যমন্ত্ৰী শৰ্মা (Himanta Biswa Sarma Birthday)ই।

প্ৰয়াত মুখ্যমন্ত্ৰী তৰুণ গগৈৰ ১৫ বছৰীয়া শাসনকালত তৰুণ গগৈৰ পিছতে সৰ্বাধিক প্ৰভাৱশালী আৰু শক্তিশালী মন্ত্ৰীৰূপে পৰিগণিত হোৱা হিমন্ত বিশ্ব শৰ্মাই আছুৰ মজিয়াৰ পৰা আহি কংগ্ৰছৰ মজিয়াত সক্ৰিয় ৰাজনীতি কৰিলেও বিজেপি দলৰ পৰাহে ৰাজ্যৰ মুখ্যমন্ত্ৰীৰ আসনত অধীষ্ঠিত হৈছে। ২০১৫ চনৰ ২৩ আগষ্টত কংগ্ৰেছ দল ত্যাগ কৰি বিজেপি দলত যোগদান কৰিছিল তৰুণ গগৈৰ এসময়ৰ নয়নৰ মণি হিমন্ত বশ্ব শৰ্মা (Himanta Biswa Sarma Birthday)ই। ২০১৬ত বিজেপি বিধায়ক ৰূপে নিৰ্বাচিত হৈ সৰ্বানন্দ সোণোৱাল মন্ত্ৰীসভাত বিত্ত মন্ত্ৰী আৰু স্বাস্থ্য মন্ত্ৰী ৰূপে কৰ্যভাৰ চম্ভালি ২০২১ চনত অসমৰ মুখ্যমন্ত্ৰীৰ পদ অলংকৃত কৰে।

কেৱল অসমৰে নহয় উত্তৰপূৱৰ ৰাজনীতিৰ মেৰুদণ্ডস্বৰূপ হৈ পৰিছে হিমন্ত বিশ্ব শৰ্মা। উত্তৰপূৱত NDৰ আঞ্চলিক সংগঠন NEDAৰো আহ্বায়ক হিমন্ত বিশ্ব শৰ্মা (Himanta Biswa Sarma Birthday)।

মুখ্যমন্ত্ৰী ৰূপে দায়িত্ব লোৱাৰ পিছতে হিমন্ত বিশ্ব শৰ্মাই লোৱা ডাঙৰ সিদ্ধআন্ত বোৰৰ ভিতৰত অন্যতম কেইটামান হৈছে ৰাজ্যত গো সুৰক্ষা আইনৰ প্ৰৱৰ্তন, মাদ্ৰাছা শিক্ষা বিলুপ্তকৰণৰ প্ৰক্ৰিয়া, জনসংখ্যা নিয়ন্ত্ৰণৰ বাবে দুটাতকৈ অধিক সন্তান থকা লোকক চৰকাৰী চাকৰিত নিযুক্তি বন্ধ, সপ্তাহত এখনকৈ কেবিনেট বৈঠক পাতি শাসন ব্যৱস্থাক ত্বৰাণ্বিত কৰাৰ চেষ্টা, চৰকাৰী ফাইলৰ কাম নিৰ্ধাৰিত সময়ত কৰাৰ বাবে কঠোৰ নিৰ্দেশ আদি অন্যতম।

কম সময়তে বহু ডাঙৰ সিদ্ধান্ত লোৱা মুখ্যমন্ত্ৰী হিমন্ত বিশ্ব শৰ্মা (Himanta Biswa Sarma Birthday)ৰ দক্ষতাৰ প্ৰকৃত প্ৰমাণ পাবলৈ এতিয়া অৱশ্যে বহু সময় আছে। অসমবাসীৰ আশা পুৰণ কৰাত কাৰ্যত কিমান সফল হয় সেয় সময়ে ক'ব। কিন্তু আজিৰ তাৰিখত অধিকাংশ লোকেই ইতিবাচকৰূপতেই চাই আছে হিমন্ত বিশ্ব শৰ্মাক।