শীঘ্ৰেই অসমত ১ লাখ নিযুক্তি প্ৰক্ৰিয়া, দুই-এদিনতে ওলাব বিজ্ঞাপন ! কোনটো বিভাগত হ'ব সৰ্বাধিক নিযুক্তি ? কি ক'লে মুখ্যমন্ত্ৰীয়ে ?

অসমত ১ লাখ নিযুক্তি প্ৰক্ৰিয়াক লৈ ঘোষণা মুখ্যমন্ত্ৰী ড০ হিমন্ত বিশ্ব শৰ্মাৰ। আজি এক সংবাদমেলত মুখ্যমন্ত্ৰীগৰাকীয়ে কয়, 'মই এমাহৰ ভিতৰতে কামবিলাক শেষ কৰিব খুজিছো। দুই-এদিনতে ১ লাখ চাকৰিৰ বিজ্ঞাপনো ওলাই যাব। লাহে লাহে কৰিলেও হয়, মই ৰে'লখন স্পীডত চলাই আছো যাতে মানুহৰ কষ্ট নহয়। চাকৰি প্ৰতিটো বিভাগৰে হ'ব কিন্তু সৰ্বাধিক নিযুক্তি হ'ব আৰক্ষী আৰু শিক্ষাত, কাৰণ তাত প্ৰয়োজন। য'ত যি বিভাগত প্ৰয়োজন আছে সেই অনুসৰি নিযুক্তি হ'ব।' উল্লেখ্য নিৰ্বাচনৰ সময়ত প্ৰতিখন সভাতে ১ লাখ নিবনুৱাৰ নিযুক্তি প্ৰক্ৰিয়াৰ কথা হিমন্ত বিশ্ব শৰ্মাই ঘোষণা কৰিছিল।