Himanta Biswa Sarma: অসমত কাহানিও নেদেখা ঘটনা, অটোৰ পিছফালে কোনে লিখিলে I LOVE YOU HBS

অসমত কেইবাজনো মহান ৰাজনীতিবিদে মুখ্যমন্ত্ৰীৰ আসন শুৱনি কৰি গৈছে। গোপীনাথ বৰদলৈ (Gopinath Bordoloi)ৰ পৰা সৰ্বানন্দ সোণোৱাললৈকে। কিন্তু জনপ্ৰিয়তাৰ ক্ষেত্ৰত কোন প্ৰথম সেয়া তপৰাই কোৱাটো সহজ নহয় বা সমীচিনো নহয়। জনপ্ৰিয়তাৰ বাবেই প্ৰথম মুখ্যমন্ত্ৰী গোপীনাথ বৰদলৈয়ে লোকপ্ৰিয় বিভূষণেৰে বিভূষিত হৈছিল। আনসকলৰো কাৰো জনপ্ৰিয়তা কম নাছিল। কিন্তু বৰ্তমানৰ মুখ্যমন্ত্ৰী হিমন্ত বিশ্ব শৰ্মা (Himanta Biswa Sarma)ৰ যেন আছে এক আচৰিত যাদুকৰী শক্তি। হয়তো সেই বাবেই দাদাৰ পৰা মামালৈ উত্থান হৈছে হিমন্ত বিশ্ব শৰ্মাৰ। এই মুহূৰ্তত মুখ্যমন্ত্ৰগৰাকীৰ জনপ্ৰিয়তা উলাই কৰিব নোৱাৰি।

শেহতীয়াকৈ এখন ফটোৱে এই কথাকে পুনৰ প্ৰমাণ কৰিলে। মন্ত্ৰী পীযুষ হাজৰিকাই শ্বেয়াৰ কৰা এখন ফটোৱে সকলোকে আচৰিত কৰিছে। ফটোখন এখন অটোৰ। চাওক ফটোখন-

I am politically involved since 1991, both directly and indirectly! I have never seen this kind of popularity of a Chief Minister! @himantabiswa sir is an inspiration. So proud to serve him in his Cabinet pic.twitter.com/lKcPwEBe0F

— Pijush Hazarika (@Pijush_hazarika) April 5, 2022

এই অটোখনৰ পিছফালে চালকজনে লিখি লৈছে প্ৰিয় মুখ্য়মন্ত্ৰীজনৰ প্ৰতি চেনেহৰ বাণী- 'I LOVE YOU HBS'.

ফটোখন শ্বেয়াৰ কৰি মন্ত্ৰী পীযুষ হাজৰিকাই লিখিছে, "মই ১৯৯১ চনৰ প্ৰত্যক্ষ বা পৰোক্ষাভাৱে ৰাজনীতিৰ সৈতে জড়িত আছোঁ আৰু কোনো এজন মুখ্যমন্ত্ৰীৰে এনেধৰণৰ জনপ্ৰিয়তা দেখা নাই। মুখ্যমন্ত্ৰী হিমন্ত বিশ্ব শৰ্মা সঁচাকৈ এক অনুপ্ৰেৰণা। তেওঁৰ কেবিনেটত সেৱা কৰিবলৈ পাই মই গৌৰৱান্বিত।"