মহানগৰীৰ নাৰেংগীত অভাৱনীয় ঘটনা। ৰে'লৱে ক্ৰছিঙত লাইনচ্যুত ছয়টা ডবা। সমগ্ৰ অঞ্চলত আতংক ।

News18 Assam | News18-Assam
Updated:June 12, 2021, 5:27 PM IST
মহানগৰীৰ নাৰেংগীত অভাৱনীয় ঘটনা। ৰে'লৱে ক্ৰছিঙত লাইনচ্যুত ছয়টা ডবা। সমগ্ৰ অঞ্চলত আতংক ।
মালবাহী ৰে'লখনৰ চৌদিশে সেনাই কটকটীয়া নিৰাপত্তা বেষ্টনী গঢ়ি তোলে কিয়নো মালবাহি ৰে'লখনত সেনাৰ বাবে প্ৰয়োজনীয় খাদ্য সামগ্ৰী আছিল।

মালবাহী ৰে'লখনৰ চৌদিশে সেনাই কটকটীয়া নিৰাপত্তা বেষ্টনী গঢ়ি তোলে কিয়নো মালবাহি ৰে'লখনত সেনাৰ বাবে প্ৰয়োজনীয় খাদ্য সামগ্ৰী আছিল।

  • Share this:
শনিবাৰে দুপৰীয়াৰ ভাগত মহানগৰী নাৰেংগীত থকা ৰেল লাইনত সংঘটিত হয় এক ভয়ংকৰ ঘটনা। নাৰেংগীৰ সেনা শিবিৰৰ যোৱা WDG4-70115 নম্বৰৰ এখন মালবাহি ট্ৰেইনৰ  ছয়টাকৈ ডবা লাইনচ্যুত হোৱাত অঞ্চলটোত অভাৱনীয় পৰিস্থিতিৰ সৃষ্টি হয়।

জানিব পৰা মতে বহিঃ ৰাজ্যৰ পৰা সাতগাঁওস্থিত ভাৰতীয় সেনা চাউনিলৈ খাদ্যকে ধৰি অত্যাৱশ্যকীয় সামগ্ৰী কাঢ়িয়াই  অনা মালবাহী ৰে'ল এখনৰ ছয়টা ডবা নাৰেংগী কলংপাৰ বজাৰত থকা ৰে'লৱে ক্ৰছিঙত লাইনচ্যুত হয়। ফলত অঞ্চলটোত থকা ৰাইজৰ মাজত হুৱা-দুৱা লাগে।

লাইনচ্যুত হোৱাৰ ফলত নাৰেংগী-চন্দ্ৰপুৰ-মৰিগাঁও সংযোগী ৰাজ্যিক ঘাই পথছোৱাত অভাৱনীয় যান যতৰ সৃষ্টি হয়। ইয়াৰ পিছত ঘটনাস্থলীত সেনা বাহিনীৰ লোক আৰু আৰক্ষীৰ লোক আহি উপস্থিত হয়। আৰু  মালবাহী ৰে'লখনৰ চৌদিশে সেনাই কটকটীয়া নিৰাপত্তা বেষ্টনী গঢ়ি তোলে কিয়নো মালবাহি ৰে'লখনত সেনাৰ বাবে প্ৰয়োজনীয় খাদ্য সামগ্ৰী আছিল। তদুপৰি যি কোনো মুহূৰ্ততে ৰে'ল পথত লাইনচ্যুত হোৱা ৰে'লৰ ডবাকেইটা বাগৰি যোৱাৰ আশংকাত শংকিত হৈ পৰিছিল সেনা।

দুঘণ্টা মানৰ অন্তত ৰে'ল বিভাগৰ লোক উপস্থিত হৈ লাইনচ্যুত নোহোৱা ডবাকেইটা সংযোগ বিছিন্ন কৰি নাৰেংগী ষ্টেচনলৈ লৈ যায় । আবদ্ধ হৈ থকা মূল পথটি মুক্ত কৰে  যদিও  লাইনচ্যুত হোৱা ডবাকেইটা তেনেকৈয়ে ৰে'ল লাইনতে আছিল। ৰে'ল বিভাগৰ লোকে জানিবলৈ দিয়া অনুসৰি বিশেষজ্ঞ দল ঘটনাস্থলীত উপস্থিত হৈ হে লাইনচ্যুত ৰে'ল ডবাকেইটা তাৰ পৰা আঁতৰাব পাৰিব।

স্থানীয় লোকৰ অভিযোগ নাৰেংগীৰ পৰা সাতগাঁওলৈ যোৱা পথছোৱা  বহু বছৰ ধৰি মেৰামতি কৰা নাই। যাৰ ফলত আজি এনেধৰণৰ ঘটনা সংঘটিত হ'বলৈ পালে। তদুপৰি দিনৰ ১ বজাৰ লগে লগে সান্ধ্য আইনৰ কৱলত পৰা অঞ্চলছোৱাত দিনৰ ১২ বজাৰ পৰা প্রায় ২ বজালৈ যান-বাহন আবদ্ধ হৈ থাকিব লগীয়া হোৱাত স্বাভাৱিকতে অশ্ব স্তিত ভুগিব লগা হয় সাধাৰণ ৰাইজে।
Published by: Manjumoni Borah
First published: June 12, 2021, 5:27 PM IST
আৰু চাওক
পৰৱৰ্তী বাতৰি

শেহতীয়া বাতৰি