গৰমে দহিছে অসমবাসীক! চলিত বৰ্ষৰ অভিলেখ ভংগ কৰি কোনখন ঠাইত সৰ্বোচ্ছ তাপমান?

আগষ্ট মাহৰ বুধবাৰ দিনটোত তাপমানে সৰ্বোচ্চ অভিলেখ ভংগ কৰিলে যোৱা সোমবাৰৰ  তাপমানৰ। বুধবাৰে গুৱাহাটীৰ সৰ্বোচ্চ তাপমাত্ৰা আছিল ৩৮.৬ ডিগ্ৰী চেলচিয়াছ । বুধবাৰে অসমৰ জিলা সমূহৰ ভিতৰত সৰ্বাধিক তাপমান আছিল গুৱাহাটীত।

বৰঝাৰস্থিত আঞ্চলিক বতৰ বিজ্ঞানে সদৰী কৰা অনুসৰি আজিৰ দিনটোত গুৱাহাটীৰ তাপমান ৩৮.৬ ডিগ্ৰী চেলচিয়াছ , ডিব্ৰুগড়ত ৩৫ ডিগ্ৰী চেলচিয়াছ, তেজপুৰত ৩৬ ডিগ্ৰী চেলচিয়াছ, শিলচৰত ৩৭.৪ ডিগ্ৰী চেলচিয়াছ, ধুবুৰীত ৩৩.৪ ডিগ্ৰী চেলচিয়াছ, যোৰহাটত ৩৪.৭ আৰু উত্তৰ লখিমপুৰত ৩৫.৬ ডিগ্ৰী চেলচিয়াছ আছিল সৰ্বোচ্ছ তাপমান।

বতৰ বিজ্ঞান কেন্দ্ৰই জনোৱা মতে বৰষুণৰ সম্ভাৱনা এইকেইদিনত ক্ষীণ গতিকে গৰমৰ পৰা সহজে পৰিত্ৰাণ পোৱা সম্ভৱ নহ’ব গুৱাহাটীত।