• Home
  • »
  • News
  • »
  • assam
  • »
  • Tax For Groundwater : ভূ-গৰ্ভৰ পানী ব্যৱহাৰকাৰীয়ে কেন্দ্ৰীয় চৰকাৰক দিব লাগিব কৰ, মিটাৰ ৰিডিং অনুসৰি আদায় কৰা হ'ব জল–কৰ

Tax For Groundwater : ভূ-গৰ্ভৰ পানী ব্যৱহাৰকাৰীয়ে কেন্দ্ৰীয় চৰকাৰক দিব লাগিব কৰ, মিটাৰ ৰিডিং অনুসৰি আদায় কৰা হ'ব জল–কৰ

 পানীৰ ওপৰত এতিয়াৰ পৰা মহানগৰবাসীয়ে তিনিটাকৈ কৰ পৰিশোধ কৰিব লাগিব- জি এম চিৰ কৰ, ৰাজ্য চৰকাৰৰ কৰ আৰু নতুনকৈ কেন্দ্ৰীয় চৰকাৰৰ কৰ। 

পানীৰ ওপৰত এতিয়াৰ পৰা মহানগৰবাসীয়ে তিনিটাকৈ কৰ পৰিশোধ কৰিব লাগিব- জি এম চিৰ কৰ, ৰাজ্য চৰকাৰৰ কৰ আৰু নতুনকৈ কেন্দ্ৰীয় চৰকাৰৰ কৰ। 

পানীৰ ওপৰত এতিয়াৰ পৰা মহানগৰবাসীয়ে তিনিটাকৈ কৰ পৰিশোধ কৰিব লাগিব- জি এম চিৰ কৰ, ৰাজ্য চৰকাৰৰ কৰ আৰু নতুনকৈ কেন্দ্ৰীয় চৰকাৰৰ কৰ। 

  • Share this:
ভূ-গৰ্ভৰ পানী ব্যৱহাৰকাৰীৰ বাবে ভাৰত চৰকাৰৰ ভূ-জল প্ৰাধিকৰণে জাৰি কৰিছে কঠোৰ নিৰ্দেশনা। ভূ-গৰ্ভৰ পানী ব্যৱহাৰকাৰীয়ে এতিয়াৰে পৰা কেন্দ্ৰীয় চৰকাৰক দিব লাগিব কৰ। এতিয়াৰে পৰা ভূ-গৰ্ভৰ পানীৰ ওপৰত নাথাকিব জনতাৰ অধিকাৰ।

ভাৰত চৰকাৰৰ কেন্দ্ৰীয় ভূ-জল প্ৰাধিকৰণে জাৰি কৰা নিৰ্দেশনাই ভয়াৱহ সংকট নমাই আনিছে। কেন্দ্ৰীয় চৰকাৰৰ নিৰ্দেশনা অনুসৰি আৱাসিক এপাৰ্টমেন্ট, গোট হাউচিং ছ'চাইটী, চৰকাৰী পানী যোগান সংস্থা, নগৰ অঞ্চলত বৃহৎ পৰিমাণৰ পানী যোগান কৰ্তা নাইবা ঘৰুৱা ব্যৱহাৰকাৰীয়ে কেন্দ্ৰীয় চৰকাৰক পৰিশোধ কৰিব লাগিব পানীৰ কৰ।

নতুন নিৰ্দেশনা অনুসৰি, পঞ্জীয়ন মাচুল পৰিশোধ কৰি সংশ্লিষ্ট কৰ্তৃপক্ষৰ ওচৰত পঞ্জীয়ন কৰাটো বাধ্যতামূলক। পঞ্জীয়ন কৰিবলৈ যাওঁতে পৰিশোধ কৰিব লাগিব ১ লাখ টকাৰ জৰিমনা। ব্যৱহাৰ কৰা পানীৰ বিপৰীতে ডিজিটেল পেইজ'মিটাৰ স্থাপন কৰি বিল দিব লাগিব।

মিটাৰ ৰিডিং অনুসৰি পানীৰ মাচুল দিব লাগিব। এই সমগ্ৰ প্ৰক্ৰিয়া সম্পাদন কৰাৰ অন্তিম তাৰিখ ৩০ ছেপ্তেম্বৰ নিৰ্ধাৰণ কৰা হৈছে। গুৱাহাটীত চৰকাৰী পানী যোগান আঁচনিয়ে জনসংখ্যাৰ মাত্ৰ ৩০ শতাংশ সামৰি লয়। ৰাজ্যৰ বাকী অংশৰ অৱস্থা আৰু অধিক বেয়া, যাৰ বাবে নাগৰিকে জীয়াই থকাৰ বাবে কেৱল ভূগৰ্ভস্থ পানীৰ ওপৰত নিৰ্ভৰশীল হোৱাৰ বাহিৰে আন কোনো বিকল্প নাই।

নাগৰিকে নিজা ব্যয়েৰে ভূ-গৰ্ভৰ পানী ব্যৱহাৰ কৰি আহিছে। কিন্তু এতিয়া জনসাধাৰণক পানী ব্যৱহাৰৰ বাবে অসম ভূ-জল নিয়ন্ত্ৰণ আৰু নিয়ামক আইন ২০১২ আৰু পৌৰসভাৰ পানী কৰৰ উপৰি অতিৰিক্ত কৰৰ বোজা জাপি দিয়া হৈছে।

ভাৰত চৰকাৰৰ জল শক্তি মন্ত্ৰালয় দ্বাৰা জাৰি কৰা ২০২০ চনৰ ২৪ ছেপ্তেম্বৰত এক অধিসূচনাৰ আধাৰত এই নির্দেশ দিয়া হৈছে। আসাম ৰিয়েল ইষ্টেট ইনফ্ৰাষ্টাকচাৰ ডেভেলপাৰ্ছ এছ'চিয়েচন চমুকৈ 'এৰিডা'ৰ সভাপতি পি কে শৰ্মাই এই তথ্য সদৰী কৰি কোনে কিমান পানীত কিমান কৰ দিব লাগিব তাকো সদৰী কৰিলে।

এই নিৰ্দেশনা মানিলে পানীৰ ওপৰত এতিয়াৰ পৰা মহানগৰবাসীয়ে তিনিটাকৈ কৰ পৰিশোধ কৰিব লাগিব। জি এম চিৰ কৰ, ৰাজ্য চৰকাৰৰ কৰ আৰু নতুনকৈ কেন্দ্ৰীয় চৰকাৰৰ কৰ।
Published by:Gautam Barman
First published:

শেহতীয়া বাতৰি