৮ খনকৈ হাস্পতালে নকৰিলে চিকিত্‍সা, অৱশেষত কৰুণ মৃত্যুক সাৱটি ল’লে ৮ মহীয়া গৰ্ভৱতী মহিলাই

ক’ত হেৰাইছে মানৱতা! প্ৰসৱ যন্ত্ৰণাত চটফটাই থকা এগৰাকী গৰ্ভৱতী মহিলাক লৈ হেতালি খেলিলে ৮ খনকৈ হাস্পতালে। নয়দাত সংঘটিত হৈছে এই ঘটনা। এগৰাকী ৮ মহীয়া গৰ্ভৱতী মহিলাৰ ব্লাড প্ৰেচাৰ বাঢ়ি অহাত উশাহ লোৱাত কষ্ট হৈছিল। ফলত মহিলাগৰাকীক চিকিত্‍সালয়লৈ লৈ যোৱা হয়। কিন্তু এখন দুখন নহয়, মুঠ ৮ খন চিকিত্‍সালয়ে মহিলাগৰাকীক নকৰিলে চিকিত্‍সা। ফলত ১২ ঘণ্টাৰ পিছতে কৰুণ ভাবে মৃত্যুক সাৱটি লয় গৰ্ভৱতী মহিলাগৰাকীয়ে।

পৰিয়ালৰ অভিযোগ, কোনো এখন হাস্পতালে এডমিট নকৰিলে মহিলাগৰাকীক। ঘটনা পোহৰলৈ অহাৰ পিছতে নয়দা প্ৰশাসনে তদন্তৰ নিৰ্দেশ দিছে। মহিলাগৰাকীৰ ঘৰ গাজিয়াবাদৰ খোড়া এলেকাৰ বুলি জানিব পৰা গৈছে।