IPS বিষয়া জি পি সিং হ’ব অসম আৰক্ষীৰ পৰৱৰ্তী সঞ্চালকপ্ৰধান, ঘোষণা মুখ্যমন্ত্ৰীৰ

IPS বিষয়া জি পি সিং হ’ব অসম আৰক্ষীৰ পৰৱৰ্তী সঞ্চালকপ্ৰধান। এই কথা আজি আনুষ্ঠানিকভাৱে ঘোষণা কৰে মুখ্যমন্ত্ৰী ড০ হিমন্ত বিশ্ব শৰ্মাই। শ্ৰীমন্ত শংকৰদেৱ কলাক্ষেত্ৰত এক অনুষ্ঠানত জি পি সিঙৰ নাম আনুষ্ঠানিকভাৱে ঘোষণা কৰে মুখ্যমন্ত্ৰীয়ে।

৩১ জানুৱাৰীত অৱসৰ গ্ৰহণ কৰিব বৰ্তমানৰ আৰক্ষী সঞ্চালকপ্ৰধান ভাস্কৰজ্যোতি মহন্তই। সেইদিনাই দায়িত্ব গ্ৰহণ কৰিব জি পি সিঙে। উল্লেখযোগ্য যে ১৯৯১ চনৰ IPS বিষয়া জ্ঞানেন্দ্ৰ প্ৰতাপ সিং।

এই ঘোষণাৰ পিছতে মুখ্যমন্ত্ৰীক ধন্যবাদ জনালে জি পি সিঙে। আই পি এছ বিষয়াগৰাকীয়ে কয়, অসমৰ ৰাইজৰ বাবে কাম কৰিম। অসমৰ স্বাৰ্থত আমি কাম কৰিম।

অসমীয়াত ব্ৰেকিং নিউজ সৰ্বপ্ৰথম News18 অসমীয়াত| শেহতীয়া খবৰ, লাইভ নিউজ আপডেট. সবাতোকৈ বিশ্বাসযোগ্য অসমীয়া নিউজ ৱেবছাইট News18 অসমীয়া|