বন্ধ হ'ল আৰু এখন চৰকাৰী আঁচনি, ১ এপ্ৰিলৰ পৰা কাৰ্যকৰী হোৱাকৈ বন্ধ কৰা হ'ব আঁচনিখন
২৭ ফেব্ৰুৱাৰীত চৰকাৰী এক অধিসূচনা জৰিয়তে এই আঁচনিখন বন্ধ ঘোষণা কৰে।
সম্পৰ্কীয় বাতৰি
মহিলা সবলীকৰণৰ বাবে অসম চৰকাৰৰ এক আঁচনি ৷ নাম অৰুন্ধতী স্বৰ্ণ আঁচনি ৷ ২০১৯-২০ বিত্তীয় বৰ্ষত ৰাজ্য চৰকাৰে প্ৰৱৰ্তন কৰিছিল আঁচনিখন ৷ এই আঁচনিৰ জৰিয়তে বিবাহিত দম্পতীলৈ চৰকাৰে সোণ কিনিবলৈ ৪০ হাজাৰ টকা অনুদান আগবঢ়ায়।
২০২০ চনৰ ২৪ ছেপ্টেম্বৰ তাৰিখে তদানীন্তন অসমৰ মুখ্যমন্ত্ৰী সৰ্বানন্দ সোণোৱাল ডাঙৰীয়াই বিত্তমন্ত্ৰী ড০ হিমন্ত বিশ্ব শৰ্মা, শ্ৰমমন্ত্ৰী সঞ্জয় কিষাণ আৰু ৰাজহ মন্ত্ৰী যোগেন মোহনৰ উপস্থিতিত শ্ৰীমন্ত শঙ্কৰদেৱ কলাক্ষেত্ৰত আঁচনিখনৰ শুভাৰম্ভ কৰিছিল।
অৰুন্ধতী স্বৰ্ণ আঁচনি ৰূপায়ণৰ ক্ষেত্ৰত ৰাজহ আৰু দুৰ্যোগ ব্যৱস্থাপনা (পঞ্জীয়ন) বিভাগে মুখ্য বিভাগ হিচাপে ভূমিকা প্ৰদান কৰিছিল ৷ ৰাজ্য চৰকাৰৰ এই গুৰুত্বপূৰ্ণ আঁচনিখন আগন্তুক ১ এপ্ৰিলৰ পৰা কাৰ্যকৰী নহ'ব ৷ কিয়নো ২৭ ফেব্ৰুৱাৰীত চৰকাৰী এক অধিসূচনা জৰিয়তে এই আঁচনিখন বন্ধ ঘোষণা কৰে।
অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।
