১৪০ কিলোমিটাৰ খোজকাঢ়ি আহি জুবিনক লগ কৰিব এইজন যুৱকে, মনত এটি আশা...

ৰাজ্যত জুবিন গাৰ্গক ভাল পোৱা মানুহৰ অভাৱ নাই৷ বিশেষকৈ যুৱ প্ৰজন্মৰ হাৰ্টথ্ৰব জুবিন৷ নৱ প্ৰজন্মৰ যুৱক-যুৱতী সকলৰ অতিকৈ প্ৰিয় জুবিন গাৰ্গ৷ তাৰ মাজতে একাংশ এনেকুৱা জুবিন প্ৰেমী যুৱক-যুৱতী আছে যিসকলে ব্যতিক্ৰমী কাৰ্যপন্থাৰে জুবিনৰ প্ৰতি ভালপোৱা প্ৰকাশ কৰে৷ তেনে এজন যুৱক নাম হিতেশ নাথ৷

হিতেশৰ ঘৰ গোৱালপাৰাৰ পশ্চিম মাটিয়াৰ দোমনীত৷ হিতেশে পদযাত্ৰা আৰম্ভ কৰিছে জুবিন গাৰ্গৰ ঘৰলৈ৷ প্ৰায় ১৪০ কিলোমিটাৰ খোজ কাঢ়ি চাৰিদিন পিছত উপস্থিত হ’ব গুৱাহাটীত থকা জুবিনৰ ঘৰত৷

জুবিনক ‘ভগৱান’ বুলি ভৱা হিতেশে কেতিয়াও কাষৰ পৰা পোৱা নাই জুবিন গাৰ্গক৷ হিতেশ নাথে জানিবলৈ দিয়া মতে, জুবিন গাৰ্গৰ ওপৰত নিজে ৰচনা কৰিছে এটি গীতো৷ গীতটো গাব নিজে হিতেশ নাথে নিজেই৷ এই গানটো গাবৰ বাবে অনুমতি ল’বলৈ এনেদৰে খোজকাঢ়ি যাত্ৰা আৰম্ভ কৰিছে হিতেশ নাথে৷

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।