আজিৰে পৰা প্ৰশাসনৰ চৰ্ত মানি জিম খোলা, ক্ষতিপূৰণৰ দাবী চৰকাৰক

News18 Assam | News18-Assam
Updated:August 3, 2020, 8:33 AM IST
আজিৰে পৰা প্ৰশাসনৰ চৰ্ত মানি জিম খোলা, ক্ষতিপূৰণৰ দাবী চৰকাৰক

  • Share this:
ক'ৰোনা  মহামাৰীৰ সময়ত সাংঘাতিক ভাৱে ক্ষতিগ্ৰস্ত হৈছে দেশৰ লগতে অসমৰ ফিটনেছ ছছাইটি। বিগত পাঁচমাহত সম্পূৰ্ণ ৰূপে বন্ধ থকা জিম সমুহৰ লগত জঢ়িত কৰ্মচাৰী আৰু ট্ৰেইনাৰ সকলৰ সহায় হব পৰাকৈ সকলোকে সামৰি এটা ক্ষতিপূৰণ দিবলৈ চৰকাৰক দাবী জনাই অসম ভাৰোত্তোলন সন্থাৰ সাধাৰণ সম্পাদক তথা অসম বডি বিল্ডিং এণ্ড ফিটনেছ এছ’চিয়েছনৰ মুৰব্বী ভৱজিৎ গোস্বামীৰ লগতে আন বহু জিমৰ স্বত্বাধিকাৰীয়ে।



দীৰ্ঘ সময় জিম সমুহ বন্ধ থকাৰ সময়তে এই ব্যৱসায় বা অনুশীলন কৰা খেলুৱৈ সকলে চৰকাৰৰ ওচৰত জিম খুলি দিয়াৰ বাবে দাবী জনাই আহিছিল। অৱশেষত পৰিস্থিতি সাপেক্ষে জিম সমুহ খোলাৰ সিদ্ধান্ত লয় ৰাজ্য চৰকাৰে।

ৰাজ্য চৰকাৰৰ মুখ্য সচিৱ কুমাৰ সঞ্জয় কৃষ্ণ ই জাৰি কৰা অধিসূচনা মতে সোমবাৰৰ পৰা খুলিব জিম। অৱশ্যে ১৫ আগষ্ট পৰ্য্যন্ত জিম কৰ্তৃপক্ষই ই পথৰ সোঁ ফাল বাঁও ফাল পদ্ধতি মানি চলিব লাগিব। ইফালে জীমৰ স্বত্বাধিকাৰীৰ ক্ষেত্ৰত কভিড১৯ স্বাৱ টেষ্ট বাধ্যতামূলক কৰিছে কামৰূপ মেট্ৰো কতৃপক্ষ ই।

এই কথা নিউজ ১৮ক জনালে কামৰূপ মেট্ৰোৰ উপায়ুক্ত বিশ্বজিৎ পেগুৱে। পলমকৈ হলেও চৰকাৰে লোৱা সিদ্ধান্তক আদৰণি জনাইছে বিশিষ্ট ক্ৰীড়া সংগঠক ভৱজ্যোতি গোস্বামীয়ে। ভৱজ্যোতি গোস্বামীয়ে লগতে কয় সকলো ধৰণৰ পৰিক্ষাৰ বাবে জিম কতৃপক্ষ সাজু। পলমকৈ হলেও চৰকাৰে লোৱা সিদ্ধান্তৰ পিছত কিছু পৰিমাণে সকাহ পাইছে খেলুৱৈ সকলে।
First published: August 3, 2020, 8:32 AM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading