বিবাহস্থলীত এগৰাকী যুৱতীক দেখি মুৰ্ছা গ’ল দৰা, কইনা এতিয়া হাস্পতালত, কি হৈছিল গহপুৰত?

News18-Assam
Updated:June 16, 2019, 2:37 PM IST
বিবাহস্থলীত এগৰাকী যুৱতীক দেখি মুৰ্ছা গ’ল দৰা, কইনা এতিয়া হাস্পতালত, কি হৈছিল গহপুৰত?
হোমৰ গুৰিত বহিল দৰা–কইনা। পুৰোহিতৰ মন্ত্ৰোচ্চাৰণ, আয়তীৰ উৰুলিৰে খদমদম পৰিৱেশ। কিন্তু হঠাৎ এগৰাকী যুৱতীৰ আগমনত সলনি হ’ল বিয়াৰ পৰিৱেশ।

হোমৰ গুৰিত বহিল দৰা–কইনা। পুৰোহিতৰ মন্ত্ৰোচ্চাৰণ, আয়তীৰ উৰুলিৰে খদমদম পৰিৱেশ। কিন্তু হঠাৎ এগৰাকী যুৱতীৰ আগমনত সলনি হ’ল বিয়াৰ পৰিৱেশ।

  • Share this:
বিবাহস্থলীত উখল–মাখল পৰিৱেশ। আলহী–আত্মীয়, অভ্যাগতৰে ভৰিছে ৰভাতলী। খোৱাই খাইছে, বহাই বহিছে, কোনোবাই মাৰিছে কথাৰ মহলা। যথা সময়ত দৰা আহি পালে। ৰভাতলীলৈ আদৰি অনা হ’ল দৰাক। হোমৰ গুৰিত বহিল দৰা–কইনা। পুৰোহিতৰ মন্ত্ৰোচ্চাৰণ, আয়তীৰ উৰুলিৰে খদমদম পৰিৱেশ। কিন্তু হঠাৎ এগৰাকী যুৱতীৰ আগমনত সলনি হ’ল বিয়াৰ পৰিৱেশ।

এতিয়া শুনক আচল কাহিনী। লখিমপুৰ জিলাৰ শিমলুগুৰি কোকচাবাৰীৰ গোপাল খাটিয়াৰাৰ পুত্ৰ বাবুল খাটিয়াৰাৰ লগত বিয়া ঠিক হৈছিল গহপুৰৰ মধ্য চত্ৰঙৰ এগৰাকী যুৱতীৰ সৈতে। প্ৰথমতে সকলো ঠিকেই আছিল। বিয়াৰ দিনাও দিনৰ ভাগত সকলো ঠিকে–ঠাকেই পাৰ হ’ল। কিন্তু নিশা যেতিয়া দৰা কইনাঘৰত উপস্থিত হ’ল তাৰ পিছতে লাগিল হুলস্থূল।



হঠাৎ বিবাহস্থলীত উপস্থিত হ’ল এগৰাকী যুৱতী। যুৱতীগৰাকী উপস্থিত হোৱাৰ পিছতে ওলাল জোলোঙাৰ মেকুৰী। দৰাৰূপী বাবুলৰ সম্পৰ্ক আছিল হঠাৎ বিবাহস্থলীত আবিৰ্ভাৱ হোৱা যুৱতীগৰাকীৰ সৈতে। আদালতত সম্পন্ন হৈছিল দুয়োৰে বিবাহ। বিবাহথলীত উপস্থিত হৈ যুৱতীগৰাকীয়ে দেখুৱালে বিবাহ পঞ্জীয়নৰ নথি–পত্ৰও। প্ৰাক্তন প্ৰেমিকাক দেখি হোমৰ গুৰিতে মুৰ্ছা গ’ল দৰা। তেজপুৰ কছাৰীগাঁও আৰক্ষীয়ে গহপুৰ আৰক্ষীৰ সহযোগত আটক কৰে দৰাৰূপী প্ৰৱঞ্চক বাবুলক।

ইফালে, এই ঘটনাৰ পিছতে মূৰত যেন সৰগ ভাগি পৰিল এখন সুখৰ সংসাৰ গঢ়াৰ সপোন দেখা কইনাগৰাকীৰ। নিশাই কইনাক গহপুৰ এফ আৰ ইউত ভৰ্তি কৰোৱা হয়। প্ৰৱঞ্চক বাবুল এতিয়া আৰক্ষীৰ জিম্মাত। কইনাৰ পৰিয়ালৰ লোকেও বাবুল খাটিয়াৰৰ বিৰুদ্ধে এজাহাৰ দাখিল কৰিছে গপুৰ থানাত।
First published: June 16, 2019, 2:37 PM IST
আৰু চাওক
পৰৱৰ্তী বাতৰি

শেহতীয়া বাতৰি