உங்கள் மாவட்டத்தைத் தேர்வுசெய்க

    • Home
    • »
    • News
    • »
    • assam
    • »
    • মাত্ৰ তিনিমাহ পূৰ্বে বিবাহপাশত আ‍বদ্ধ হৈছিল অনিমেশ, মানাহত উন্মত্ত গঁড়ৰ আক্ৰমণত হেৰুৱালে প্ৰাণ

    মাত্ৰ তিনিমাহ পূৰ্বে বিবাহপাশত আ‍বদ্ধ হৈছিল অনিমেশ, মানাহত উন্মত্ত গঁড়ৰ আক্ৰমণত হেৰুৱালে প্ৰাণ

    আজি পুৱাৰ ভাগত ভূঞাপাৰা ৰেঞ্জৰ টেকলাই বন শিবিৰৰ পৰা দুগৰাকী সতীৰ্থৰ সৈতে দুখন বাইকেৰে বজাৰলৈ ওলাই আহিছিল অনিমেশ ডেকাই৷

    আজি পুৱাৰ ভাগত ভূঞাপাৰা ৰেঞ্জৰ টেকলাই বন শিবিৰৰ পৰা দুগৰাকী সতীৰ্থৰ সৈতে দুখন বাইকেৰে বজাৰলৈ ওলাই আহিছিল অনিমেশ ডেকাই৷

    আজি পুৱাৰ ভাগত ভূঞাপাৰা ৰেঞ্জৰ টেকলাই বন শিবিৰৰ পৰা দুগৰাকী সতীৰ্থৰ সৈতে দুখন বাইকেৰে বজাৰলৈ ওলাই আহিছিল অনিমেশ ডেকাই৷

    • Share this:
    মানাহ ৰাষ্ট্ৰীয় উদ্যান (Manas National Park)ত শোকাৱহ ঘটনা৷ উদ্যানখনৰ ভূঞাপাৰা ৰেঞ্জত গঁড়ৰ আক্ৰমণত নিহত হয় এগৰাকী ফৰেষ্ট বেটেলিয়ন জোৱান৷ ফৰেষ্ট বেটেলিয়ন জােৱানজনৰ নাম অনিমেশ ডেকা৷ গঁড়ৰ আক্ৰমনত নিহত অনিমেশ ডেকাৰ ঘৰ বজালী জিলাৰ ভৱানীপুৰৰ ডেকাপাৰাত৷

    তিনিমাহ পূৰ্বে বিবাহপাশত আৱদ্ধ হোৱা অনিমেশৰ মৃত্যুৰ খবৰে সমগ্ৰ বজালীতে শোকৰ ছাঁ পেলাইছে৷ জানিব পৰা মতে, আজি পুৱাৰ ভাগত ভূঞাপাৰা ৰেঞ্জৰ টেকলাই বন শিবিৰৰ পৰা দুগৰাকী সতীৰ্থৰ সৈতে দুখন বাইকেৰে বজাৰলৈ ওলাই আহিছিল অনিমেশ ডেকাই৷ সেই সময়তে সংঘটিত হয় ভয়াৱহ ঘটনাটো৷

    হাবিৰ পৰা ওলাই অহা এটা উন্মত্ত গঁড়ে হঠাৎ আক্ৰমণ কৰে  অনিমেশ ডেকাই চলাই অহা বাইকখনত৷ অনিমেশ ডেকাই বাইক পেলাই দৌৰি পলাব বিচাৰিছিল যদিও উন্মত্ত গঁড়টোৰ আক্ৰমণত শৰীৰৰ বিভিন্ন স্থানত গুৰুতৰভাৱে আঘাত পাই অনিমেশে ঠাইতে মৃত্যুক আঁকোৱালি লয়৷

    মৃত অনিমেশৰ সহকৰ্মী দুজনে গুলীচালনা কৰি গঁড়টো খেদিবলৈ চেষ্টা কৰিও বিফল হয়৷ পিছত ঘটনা সন্দৰ্ভত বন বিভাগৰ উচ্চপদস্থ বিষয়াক খবৰ দিয়ে সহকৰ্মী বনকৰ্মী দুজনে৷ ঘটনাৰ খবৰ পাই ঘটনাস্থলীত বন বিভাগৰ লোক উপস্থিত হৈ অনিমেশ ডেকাৰ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে মুছলপুৰলৈ প্ৰেৰণ কৰে৷

    উল্লেখ্য যে মানাহৰ এই গঁড়টোৱে বিগত সময়ছোৱাত তিনিজনতকৈ অধিক লোকক  আক্ৰমণ কৰি হত্যা কৰিছে৷ ইফালে মাত্ৰ ৩ মাহ পূৰ্বে বিবাহপাশত আৱদ্ধ হোৱা অনিমেশ ডেকাৰ ঘৰখনত এতিয়া শোকাকুল পৰিৱেশে বিৰাজ কৰিছে৷
    Published by:Sanjay Kumar Das
    First published: