বানত বুৰিল কাকপথাৰৰ অৰ্ধশতাধিক গাঁও, অসম–অৰুণাচল সংযোগী ১৫ নং ৰাষ্ট্ৰীয় ঘাইপথৰে বাগৰিছে ঢল

ৰাজ্যত হোৱা নেৰা-নেপেৰা বৰষুণৰ ফলত বানৰ কবলত পৰিছে তিনিচুকীয়া জিলাৰ বিভিন্ন ঠাই ৷ তিনিচুকীয়া জিলাৰ কাকপথাৰ উন্নয়ন খণ্ডৰ অন্তৰ্গত দ-পথাৰ, লাজুম, চেঙেলি, কাচিজান, টঙনা, কাচিজান, মাইথং, ডিৰাক, কৈলাশপুৰ, মৃদংপাৰা, কাথবস্তিকে, তিনিআলি নগাওঁকে ধৰি প্ৰায় ৫০খনতকৈ অধিক গাৱঁ এতিয়া বানপানীৰ কবলত ৷

শ শ পৰিয়ালৰ ঘৰৰ ভিতৰত পানী সোমোৱাত বয় বস্তু নষ্ট হোৱাৰ লগতে গাঁৱৰ ৰাইজে নিজকে সুৰক্ষিত কৰি জীৱন বচাবৰ বাবে ওখ ঠাইত অৱস্থান কৰিছে ৷ অসম অৰুণাচল সংযোগী ১৫ নং ৰাষ্ট্ৰীয় ঘাইপথৰ ওপৰৰে পানী যোৱাৰ ফলত সংযোগ বিছিন্ন হোৱাৰ দিশে অসম অৰুণাচল প্ৰদেশৰ ৷ লগতে সৰু সৰু কেইবাটাও পথ পানীৰে উতোৱাই নিয়াৰ ফলত যাতায়ত ব্যৱস্থা ব্যাহত হৈ পৰিছে ৷

পশুধন, ঘৰৰ যাবতীয় বস্তু সমুহক লৈ এতিয়া বিপাঙত পৰিছো পঞ্চাশখন গাঁৱৰ বাসিন্দা ৷ লগতে অঞ্চলটোত বহুলোকৰ পুখুৰী পানীয়ে বুৰাই পেলোৱাৰ ফলত এতিয়া চকুৰ পানীৰে বাট নেদেখা হৈছে মাছ পুঁহি স্বাৱলম্বী হবলৈ পণ লোৱা বহু নিবনুৱা যুৱক ৷