ওদালগুৰিত তিনি দুৰ্বৃত্তই ঘৰতে গুলীয়াই থৈ গ’ল এজন যুৱকক

ওদালগুৰিৰ বকুলতলাত গুলীচালনাৰ ঘটনা। গুলীচালনাত গুৰুতৰভাৱে আহত হয় মোছা আলী নামৰ এজন যুৱক। তিনি দুৰ্বৃত্তই ঘৰতে গুলীয়াই থৈ যায় যুৱকজনক। বৃহস্পতিবাৰে নিশা সংঘটিত হয় এই ঘটনা। ঘটনাৰ পিছতে স্থানীয় ৰাইজে কৰায়ত্ত কৰিবলৈ সক্ষম হয় ২ দুৰ্বৃত্তক। ৰাইজে কৰায়ত্ত কৰা দুৰ্বৃত্ত দুটাৰ নাম আমিৰুদ্দিন ওৰফে কালিয়া আৰু সমীৰ আলী। পিছত ঘটনাস্থলীত ওদালগুৰি আৰক্ষী উপস্থিত হৈ দুৰ্বৃত্ত দুটাক আটক কৰাৰ লগতে উদ্ধাৰ কৰে ঘটনাত ব্যৱহাৰ হোৱা হস্তনিৰ্মিত পিষ্টলটো।