নিশাৰ মহানগৰীত ভয়ংকৰ কাণ্ড! ফাঁচী বজাৰৰ JB's সন্মুখত কোনে লগালে জুই!

News18 Assam | News18-Assam
Updated:September 8, 2020, 6:37 PM IST
নিশাৰ মহানগৰীত ভয়ংকৰ কাণ্ড! ফাঁচী বজাৰৰ JB's সন্মুখত কোনে লগালে জুই!
ঘটনাত জড়িত আছে এটা দুৰ্বৃত্ত৷ নিশাৰ আন্ধাৰৰ সুযোগত এই দুৰ্বৃত্তটো আহিছিল জেবিজ প্ৰতিষ্ঠানত অগ্নিসংযোগ কৰিবলৈ৷

ঘটনাত জড়িত আছে এটা দুৰ্বৃত্ত৷ নিশাৰ আন্ধাৰৰ সুযোগত এই দুৰ্বৃত্তটো আহিছিল জেবিজ প্ৰতিষ্ঠানত অগ্নিসংযোগ কৰিবলৈ৷

  • Share this:
নিশাৰ মহানগৰীত অঘটন৷ ব্যৱসায়িক প্ৰাণকেন্দ্ৰ ফাঁচী বজাৰৰ সমীপত অগ্নিকাণ্ড দুৰ্বত্বৰ৷  নিশা ২ বাজি ১৫ মিনিট৷ হঠাৎ মাজখোৱাত দপদপকৈ জ্বলি উঠিছিল ভয়ংকৰ জুই৷ জেবিজৰ সন্মুখত থকা চাৰিখন স্কুটীত লাগিছিল জুই। কাষতে আছিল বিদ্যুতৰ ট্ৰেন্সফৰ্মাৰ৷ পিছে, এয়া কোনো শ্বৰ্ট চাৰ্কিট অথবা অন্য কোনো জুই নহয়৷ অগ্নিকাণ্ডৰ কাৰণ সম্পূৰ্ণ স্পষ্ট৷

ঘটনাত জড়িত আছে এটা দুৰ্বৃত্ত৷ নিশাৰ আন্ধাৰৰ সুযোগত এই দুৰ্বৃত্তটো আহিছিল জেবিজ প্ৰতিষ্ঠানত অগ্নিসংযোগ কৰিবলৈ৷ CCTVত ধৰা পৰিছে জুইৰ সূত্ৰপাত কৰাৰ দৃশ্য৷ পদপথেৰে খোজকাঢ়ি অহা এজন যুৱকে হঠাৎ স্কুটীলৈ নিক্ষেপ কৰে দাহ্য পদাৰ্থ৷ চাৰিখন স্কুটীত দাহ্য পদাৰ্থখিনি ছটিয়াই পিছত মেজৰ কাঠি লগাই  বাহনকেইখনত৷

ইমানে নহয়, জুই লগাই দেহত কঢ়িয়াই লৈ অহা এখন কাপোৰেৰে চাৰিখন বাহন সংযোগ কৰে দুৰ্বৃত্তটোৱে৷ অৱশ্যে সৌভাগ্যক্ৰমে কিছুসময় পিছতে ঘটনাস্থলীত উপস্থিত হয় ফাঁচী বজাৰ আৰক্ষী চকীৰ টহলদাৰী আৰক্ষী৷ জুই নিৰ্বাপনৰ বাবে আৰক্ষীয়ে খবৰ দিয়ে অগ্নিনিৰ্বাপক বাহিনীক৷

বহু সময় চেষ্টাৰ অন্তত পল্টন বজাৰ অগ্নি নিৰ্বাপক বাহিনীয়ে জুই নিৰ্বাপন কৰিবলৈ সক্ষম হয়৷ পিছে কিহৰ বাবে দুৰ্বৃত্তই টাৰ্গেট কৰি লৈছিল জেবিজৰ সন্মুখ তথা প্ৰতিষ্ঠানখন৷ সেয়া এতিয়াও ৰহস্যজনক৷ ঘটনা সন্দৰ্ভত ফাঁচীবজাৰ আৰক্ষী চকীত দাখিল কৰা হৈছে এজাহাৰ৷
Published by: Sanjay Kumar Das
First published: September 8, 2020, 6:37 PM IST
আৰু চাওক
পৰৱৰ্তী বাতৰি

শেহতীয়া বাতৰি