অসম চিকিৎসা মহাবিদ্যালয়ৰ প্ৰসূতি বিভাগৰ ICUত অগ্নিকাণ্ড, এটি নৱজাতকৰ মৃত্যু

ডিব্ৰুগড়ৰ অসম চিকিৎসা মহাবিদ্যালয়ৰ প্ৰসূতি বিভাগত নিশা অগ্নিকাণ্ড। প্ৰসূতি, ৰোগীj মাজত হাহাকাৰ। দেওবাৰে নিশা ডিব্ৰুগড়ৰ অসম চিকিৎসা মহাবিদ্যালয় হাস্পতালৰ মাতৃ আৰু প্ৰসূতি চিকিৎসালয়ত এই অগ্নিকাণ্ড সংঘটিত হয়। সদ্যোজাত শিশু ৰখা ICU কক্ষত এই অগ্নিকাণ্ড সংঘটিত হয়। বৈদ্যুতিক শ্বৰ্ট চাৰ্কিটৰ ফলত সংঘটিত হোৱা এই অগ্নিকাণ্ডৰ ফলত চিকিৎসালয়খনত ৰোগী আৰু অভিভাৱকৰ মাজত হুৱাদুৱাৰ সৃষ্টি হয়।

অগ্নিকাণ্ডৰ লগে লগে শতাধিক ৰোগী চিকিৎসালয়খনৰ বাহিৰলৈ দৌৰি ওলাই আহে। চতুৰ্থ, তৃতীয়, দ্বিতীয় মহলাত থকা প্ৰসূতি আনকি কেইঘণ্টামান পূৰ্বে জন্ম হোৱা শিশুকো কোলাত লৈ চিকিৎসালয়খনৰ বাহিৰলৈ ওলাই আহে ৰোগী আৰু অভিভাৱকে।

ঘটনাৰ লগে লগে চিকিৎসালখনৰ বিজুলী সংযোগ বিছিন্ন কৰি দিয়াত অন্ধকাৰত কেইবাজনো ৰোগী আঘাতপ্ৰাপ্ত হয়। ইফালে বিজুলী সংযোগ বিছিন্ন হৈ যোৱাত ভেণ্টিলেচনত থকা এটি সদ্যোজাতৰ মৃত্যু হয়। চিকিৎসালয়খনৰ নিৰাপত্তাৰক্ষী আৰু অগ্নিনিৰ্বাপক বাহিনীৰ প্ৰচেষ্টাত অৱশ্যে ক্ষিপ্ৰতাৰে জুই নিৰ্বাপিত কৰা হয়।