• Home
  • »
  • News
  • »
  • assam
  • »
  • দৃষ্টি ৰাজখোৱা আৰু মেঘালয় আৰক্ষীৰ মুখামুখি সংঘৰ্ষ, গুলীয়াগুলী আৰু তাৰ পিছত...

দৃষ্টি ৰাজখোৱা আৰু মেঘালয় আৰক্ষীৰ মুখামুখি সংঘৰ্ষ, গুলীয়াগুলী আৰু তাৰ পিছত...

হঠাৎ মুখামুখী বিদ্ৰোহী গোট আৰু আৰক্ষীৰ দল

হঠাৎ মুখামুখী বিদ্ৰোহী গোট আৰু আৰক্ষীৰ দল

হঠাৎ মুখামুখী বিদ্ৰোহী গোট আৰু আৰক্ষীৰ দল

  • Share this:
সন্ধিয়া তেতিয়া প্ৰায় ৮:৩০ বাজিছিল ৷ হাতে হাতে অত্যাধুনিক মাৰণাস্ত্ৰ লৈ এটা বৃহৎ গোটে পদব্ৰজে আগবাঢ়িছিল ৷ চৌপাশ নিজান ৷ কোনো কাকো দেখা নোপোৱা ঘিটমিটীয়া এন্ধাৰ ৷ আনটো দিশৰ পৰা আগবাঢ়িছিল আন এটা সশস্ত্ৰ আৰক্ষীৰ দল ৷ দুয়োটা সশস্ত্ৰ দল হঠাৎ মুখামুখি হ'ল ৷ অকস্মাৎ হোৱা মুখামুখিত উভয় গোটেই বিপাঙত পৰিল ৷ কি কৰিব এতিয়া?

ঘটনাৰ স্থান- মেঘালয়ৰ গাৰো পাহাৰ ৷ দক্ষিণ গাৰো পাহাৰৰ বাংলাদেশ সীমান্তৱৰ্তী বলবকগ্ৰা বস্তিত এই ঘটনাটো সংঘটিত হয় ১১ মাৰ্চৰ সন্ধিয়া ৷ প্ৰথম যিটো সশস্ত্ৰ দলৰ কথা কোৱা হৈছে, সেই দলটোৱেই হ'ল আলফা(স্বাধীন)ৰ দল ৷ লগত গাৰো সশস্ত্ৰ বিদ্ৰোহী সংগঠন GNLAৰ কেইজনমান সদস্য ৷ নেতৃত্বত আলফা (স্বাধীন)ৰ উপ-সেনাধ্যক্ষ দৃষ্টি ৰাজখোৱা ওৰফে মনোজ ৰাভা ৷ দৃষ্টি ৰাজখোৱাৰ দলটোৰ সন্মুখত সেইদিনটোৰ সন্ধিয়া মুখামুখি হৈছিল মেঘালয়ৰ SF-10 কামাণ্ডোছ আৰু দক্ষিণ গাৰো পাহাৰ আৰক্ষীৰ যুটীয়া অভিযানকাৰী দল ৷

বলবকগ্ৰা বস্তি , দুৰ্গম পাহাৰীয়া অঞ্চল ৷ গোৱালপাৰাৰ দুধনৈৰ পৰা গাড়ীৰে সেই অঞ্চললৈ ৰংজেঙ হৈ গ'লে সময় ল'ব প্ৰায় ছয় ঘণ্টা ৷ দুধনৈৰ পৰা কৃষ্ণাই হৈ তুৰা হৈ গ'লে সময় লাগিব প্ৰায় চাৰে সাত ঘণ্টা ৷ ইপিনে বাংলাদেশৰ সাত ছহীদ মছজিদলৈ লাগিব গাড়ীৰে প্ৰায় ৪৫ মিনিট ৷ গণেশ্বৰী নদীৰ এই উপত্যকা অঞ্চল অতি দুৰ্গম ৷ নদীৰ পাৰে সঘনে আহ-যাহ কৰে আলফা (স্বাধীন) আৰু GNLAৰ দলে ৷

এই অঞ্চলতে এঘাৰ মাৰ্চৰ সন্ধিয়া হোৱা মুখামুখিত থৰকাছুটি হেৰুৱাই উভয় পক্ষই ৷ মেঘালয় আৰক্ষীয়ে সদৰি কৰা মতে, উভয় গোটৰ মাজত প্ৰায় ত্ৰিশ মিনিট গুলীয়াগুলী হয় ৷ গুলীয়াগুলীৰ মাজতে আন্ধাৰৰ সুযোগ লৈ বাংলাদেশৰ দিশে আঁতৰি যায় দৃষ্টি ৰাজখোৱাৰ গোটটো ৷ পিছত মেঘালয় আৰক্ষীয়ে এটা AK-81 ৰাইফল, দুটা হস্তনিৰ্মিত বন্দুক, তিনিটা পিষ্টল আৰু কেতবোৰ সামগ্ৰী উদ্ধাৰ কৰে ৷

আন এক সুত্ৰই News18ক সদৰি কৰা মতে, দৃষ্টি ৰাজখোৱাৰ দলটো দুটা গোটত সেইদিনা আহি আছিল পাহাৰীয়া লুংলুঙীয়া পথেৰে ৷ ৰাজখোৱাৰ আগত যোৱা গোটটোৰ সৈতে সেইদিনা হৈছিল মেঘালয় আৰক্ষীৰ মুখা-মুখি আৰু গুলীয়াগুলী ৷ ঘটনাৰ সময়ত কিছু নিলগত অৱস্থান গ্ৰহণ কৰিছিল আলফা (স্বাধীন)ৰ উপ-মুখ্য সেনাধ্যক্ষ দৃষ্টি ৰাজখোৱাই ৷
Published by:Himangshu Bhuyan
First published: