ভুৱা মেডিকেল বিল বনাই ৰাজকোষৰ পৰা লুটিলে ২ কোটি টকা! আৰক্ষীৰ জালত পৰিল কেলেংকাৰীৰ মূল অভিযুক্ত অৱনী বৰ্মণ

ভুৱা মেডিকেল বিল কেলেংকাৰীৰ নায়ক আৰক্ষীৰ জালত ৷ চক্ৰটোৱে বিভিন্ন চৰকাৰী বিভাগৰ কৰ্মচাৰীক যোগান ধৰিছিল ভুৱা মেডিকেল Reimbursement বিল ৷ ভুৱা বিলৰ পৰা ৰাজকোষৰ পৰা ওলিয়াই নিছিল কোটি কোটি টকা ৷

ৰাজ্য চৰকাৰৰ বিভিন্ন বিভাগৰ কৰ্মচাৰী সকলে প্ৰত্যেক বছৰে নিজৰ মেডিকেল Reimbursementৰ বিল জমা দিব লাগে ৷ কিন্তু একাংশ চৰকাৰী বিষয়াই  এই বিল সমূহৰ ক্ষেত্ৰত সহায় লয় একাংশ প্ৰৱঞ্চকৰ ৷ বছৰেকীয়া বিল সমূহৰ বাবে কৰ্মচাৰীসকলে চক্ৰটোক প্ৰদান কৰে ধন ৷ ধন পোৱাৰ পিছতে চক্ৰটোৱে বিভিন্ন ফাৰ্মাচীৰ ভুৱা বিল যোগান ধৰে বিষয়াগৰাকীক ৷

APDCLৰ ৩৪ গৰাকী কৰ্মচাৰীয়ে এনেধৰণৰ ভুৱা বিল প্ৰদান কৰাৰ পিছতে পোহৰলৈ আহে সকলো কথা ৷ APDCLৰ কৰ্তৃপক্ষই জিএমচিএইচৰ কৰ্তৃপক্ষৰ লগত যোগাযোগ কৰাৰ পিছতে জিএমচিএইচ কৰ্তৃপক্ষই জুলাই মাহত ভঙাগড় আৰক্ষী থানাত গোচৰ ৰুজু কৰে ৷ তাৰ সমান্তৰলকৈ জিএমচিএইচ কতৃপক্ষই চক্ৰটোৰ বিৰুদ্ধে ৰুজু কৰিছিল আন তিনিটা গোচৰ ৷

কেৱল জিএমচিএইচ কৰ্তৃপক্ষই নহয় জিএমচিএইচৰ চৌহদত থকা তিনিখন ফাৰ্মাচীয়েও ৰুজু কৰে চক্ৰটোৰ বিৰুদ্ধে আন তিনিটা গোচৰ ৷ জুলাই মাহত গোচৰ ৰুজু হোৱাৰ পিছৰে পৰা মূল অভিযুক্ত অৱনী বৰ্মণ পলাতক অৱস্থাত আছিল ৷ ভঙাগড় আৰক্ষীয়ে APDCLৰ কৰ্মচৰী অৱনী বৰ্মণৰ বিৰুদ্ধে গোচৰ ৰুজু কৰাৰ পিছতে পলাতক অৱস্থাত আছিল ৷

ভঙাগড় থানাৰ গোচৰ নং ৫১৭/২১ নম্বৰ গোচৰত বৃহস্পতিবাৰে ভঙাগড় আৰক্ষী থানাত অন্তৱৰ্তী জামিন পোৱাৰ পিছত হাজিৰ হৈছিল ভঙাগড় থানাত ৷ কিন্তু অৱনী বৰ্মণৰ বিৰুদ্ধে বাকী থকা আন ৬টা গোচৰৰ জিএমচিএইচ কৰ্তপক্ষই দিয়া ৪৩২/২১ নম্বৰ গোচৰত গ্ৰেপ্তাৰ কৰে চক্ৰটোৰ অন্যতম কিংপিন অবনি বৰ্মনক ৷

অৱনী বৰ্মণৰ উপৰিও আৰক্ষীয়ে বিচাৰি আছে  লটিফ ইচলামক নামৰ এজনক ৷ গোচৰ ৰুজু হোৱা দিন ধৰি লটিফ ইছলামও পলাতক অৱস্থাত আছে ৷ জিএমচিএইচ কৰ্তৃপক্ষৰ তথ্য মতে এই চক্ৰটোৱো চৰকাৰৰ পৰা প্ৰায় ২ কোটি টকা লুণ্ঠন কৰিছে ৷

Read all News in Assamese, Assam News Today, Entertainment News in Assamese, Business News in Assamese, Sports News in Assamese, Health News in Assamese, India News in Assamese

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।