‘মাটিৰ বাবে ধ্বংস হৈছিল কৌৰব, গতিকে মাটিৰ বাবে চীন-ভাৰতৰ যুদ্ধ হ’ব লাগে, মই হ’ব লাগিছিল প্ৰতিৰক্ষা মন্ত্ৰী...!’

‘কথাতে বটা পায়, কথাত কটা যায়। মুখৰ কথাত চন্দ্ৰটো ঘৰ সাজিব পাৰি ৷’- এই বাক্যশাৰী যেন এতিয়া ফলিয়াইছে  প্ৰাক্তন সাংসদ , তথা ন -কংগ্ৰেছী আৰ পি শৰ্মা ৷ বিভিন্ন সংময়ত বিভিন্ন ধৰণৰ মন্তব্য কৰি প্ৰায়ে সংবাদ শিৰোনাম দখল কৰে প্ৰাক্তন সাংসদগৰাকীয়ে। এইবাৰ ন-কংগ্ৰেছী আৰ পি শৰ্মা  সৰব হ’ল ভাৰত-চীনৰ শেহতীয়া পৰিস্থিতিৰ সন্দৰ্ভত।

মন্ত্ৰীগৰাকীয়ে কয় যে, ‘মাটিৰ বাবেই মহাভাৰতৰ যুদ্ধত হৈছিল৷ মহাভাৰতত পাঁচ খন গাওঁ নিদিয়াৰ বাবে কৌৰব বংশ শেষ হৈছিল ৷ গতিকে মাটিয়েই দেশৰ পৰিচয়। মাটিৰ বাবে চীন-ভাৰতৰ যুদ্ধ হ’ব লাগে ৷ মই প্ৰতিৰক্ষা মন্ত্ৰী হ’লে চীনা সৈন্যক ১০ কিলোমিটাৰ দূৰৈত খেদিলো হেতেন৷

চীনৰ প্ৰসংগত প্ৰধানমন্ত্ৰীক সমালোচনা কৰি প্ৰাক্তন সাংসদ আৰ পিয়ে কলে, ‘চৰকাৰে নিজৰ দোষ ঢাকিবলৈ চীনে মাটি দখল কৰা নাই বুলি প্ৰকাশ কৰিছে ৷ প্ৰকৃতাৰ্থত চীনে ভাৰতৰ মাটি দখল কৰিছে যাৰ বাবে ২০জোৱান শ্বহীদ হ’ব লগা হ’ল ৷ অশান্তি বিচৰা দেশৰ লগত শান্তি বিচাৰি লাভ নাই ৷ যুদ্ধ হ’ব লাগে। মই প্ৰতিৰক্ষা মন্ত্ৰী হোৱা হ’লে চীনক এক ইঞ্চিও মাটি এৰি নিদিলো হেতেন ৷ যুদ্ধৰ নিৰ্দেশেই দি দিলো হেতেন ৷ দুই হাজাৰ চীনাক মাৰিলো হেতেন।’