‘মুখ্যমন্ত্ৰী হ’বলৈ CABৰ হৈ মাত মাতি আছে হিমন্ত বিশ্বই, পৰিণাম ভুগিব সোণোৱালেও’

নাগৰিকত্ব সংশোধনী বিধেয়কক লৈ মুখ্যমন্ত্ৰী সৰ্বানন্দ সোণোৱাল আৰু মন্ত্ৰী হিমন্ত বিশ্ব শৰ্মাক সমালোচনা প্ৰাক্তন মুখ্যমন্ত্ৰী তৰুণ গগৈৰ। গগৈয়ে কয় – ‘হিমন্তই অমিত শ্বাহৰ পৰা বাহ বাহ ল’বলৈ CAB আনিবই বুলি কৈ আছে৷ ৰজাক সন্তুষ্ট কৰিবলৈ, মুখ্যমন্ত্ৰী হ’বলৈ CABৰ হৈ মাত মাতি আছে হিমন্তই৷ জাতীয় নায়ক সৰ্বানন্দ সোণোৱালে গাদী ৰক্ষাৰ বাবে CABৰ বিৰুদ্ধে মাত মতা নাই৷ সৰ্বানন্দ সোণোৱালে এদিন ভুগিব লাগিব।’

তৰুণ গগৈয়ে কয় – অসমত বাদে মিজোৰাম, অৰুণাচল, নাগালেণ্ড, মণিপুৰত CAB জাপি দিব পৰা নাই৷ ইনাৰ লাইন পাৰ্মিট আছে কাৰণে সেইবোৰ ৰাজ্যত কোনেও মাটি কিনিব নোৱাৰে৷ BJP–এ আঁভুৱা ভাৰিছে অসমক৷’

গুৱাহাটী বিশ্ববিদ্যালয়ৰ মাজেৰে প্ৰতিবাদৰ বাবে আহিব নোৱাৰিলে মুখ্যমন্ত্ৰীয়ে৷ তেওঁৰ সৎ সাহস থাকিব লাগিছিল বিশ্ববিদ্যালয়ৰ ছাত্ৰ–ছাত্ৰীৰ সৈতে মুখামুখি হ’বলৈ৷ CAB যদি ভালেই বুজাব লাগিছিল বিশ্ববিদ্যালয়ৰ ছাত্ৰ–ছাত্ৰীক। এইদৰে ক’লে প্ৰাক্তন মুখ্যমন্ত্ৰীগৰাকীয়ে।

নাগৰিকত্ব সংশোধনী বিধেয়ক প্ৰসংগত অগপৰ স্থিতিক লৈ গগৈয়ে কয় যে অগপৰ স্থিতি অতি লাজলগা৷ CABক লৈ স্থিতি স্পষ্ট কৰিব পৰা নাই ক্ষমতাৰ লোভত৷ অসম সাহিত্য সভাৰ স্থিতিও দুৰ্ভাগ্যজনক৷ সাহিত্য সভাই নাভাবিব যে তেওঁলোকেই অসমৰ মালিক বুলি৷ আজি সাহিত্য সভাই সবল ভূমিকা ল’ব লাগিছিল বুলিও কয় তৰুণ গগৈয়ে।

NEWS18 অসমত সকলো খবৰ সকলোতকৈ আগত। প্ৰতি মুহূৰ্তৰ খবৰ পাবলৈ YouTube , Facebook আৰু Twitter ত আমাক ফল’ কৰক।