তিনিবাৰৰ মুখ্যমন্ত্ৰী, ৬ বাৰকৈ সাংসদ, তৰুণ গগৈৰ বৰ্ণিল ৰাজনৈতিক জীৱন পৰিক্ৰমা

অসমৰ ৰাজনীতিৰ এক বৰ্ণিল অধ্যায়ৰ পৰিসমাপ্তি। প্ৰাক্তন মুখ্যমন্ত্ৰী তৰুণ গগৈ আৰু নাই। অসমৰ তিনিবাৰৰ মুখ্যমন্ত্ৰী, কংগ্ৰেছৰ জ্যেষ্ঠ নেতাগৰাকীৰ আজি দেহাৱসান ঘটে গুৱাহাটী মেডিকেল কলেজ হাস্পতালত। বিয়লি ৫.৩৪ বজাত মৃত ঘোষণা কৰে হাস্পতাল কৰ্তৃপক্ষই। মৃত্যুৰ সময়ত গগৈৰ বয়স হৈছিল ৮৬ বছৰ। কেইবাদিনো ধৰি অসুস্থ হৈ চিকিৎসাধীন হৈ আছিল প্ৰাক্তন মুখ্যমন্ত্ৰীগৰাকী।

অসমৰ ৰাজনীতিত এক দীঘলীয়া পৰিক্ৰমা অতিক্ৰম কৰিছে তৰুণ গগৈয়ে। ১৯৬৭ চনতে ৰাজনীতিলৈ আহিছিল গগৈ। চাওক তৰুণ গগৈৰ ৰাজনৈতিক জীৱন পৰিক্ৰমা।
>> ১৯৬৭ চনত সদৌ ভাৰত কংগ্ৰেছ (ই) কমিটীৰ যুটীয়া সম্পাদক।

>> ১৯৬৮ চনত যোৰহাট পৌৰসভাৰ সদস্য হিচাপে নিৰ্বাচিত।
>> ১৯৭১ চনত ৫ম লোকসভালৈ নিৰ্বাচিত।
>> ১৯৭৭ চনত ৬ষ্ঠ লোকসভালৈ নিৰ্বাচিত।
>> ১৯৮৩ চনত সদৌ ভাৰত কংগ্ৰেছ (ই) কমিটীৰ যুটীয়া সম্পাদক।

>> ১৯৮৩ চনত ৭ম লোকসভালৈ নিৰ্বাচিত।
>> ১৯৮৫ চনত সদৌ ভাৰত কংগ্ৰেছ (ই) কমিটীৰ সাধাৰণ সম্পাদক নিৰ্বাচিত।
>> ১৯৮৬-৯০ চনলৈ অসম প্ৰদেশ কংগ্ৰেছ (ই) কমিটীৰ সভাপতি।
>> ১৯৯১ চনত ১০ম লোকসভালৈ নিৰ্বাচিত।
>> ১৯৯১-১৯৯৩ চনলৈ কেন্দ্ৰীয় চৰকাৰৰ খাদ্য দপ্তৰৰ ৰাজ্যিক (স্বতন্ত্ৰ) মন্ত্ৰী।
>> ১৯৯৩-১৯৯৫ চনলৈ কেন্দ্ৰীয় চৰকাৰৰ Food Processing Industry দপ্তৰৰ ৰাজ্যিক (স্বতন্ত্ৰ) মন্ত্ৰী।
>> ১৯৯৭ চনত অসম বিধান সভালৈ বিধায়কৰূপে নিৰ্বাচিত হয়।
>> ১৯৯৮ চনত দ্বাদশ লোকসভালৈ কলিয়াবৰ সমষ্টিৰ পৰা নিৰ্বাচিত আৰু বিধায়ক পদ ত্যাগ কৰে।
>> ১৯৯৯ চনত ত্ৰয়োদশ লোকসভালৈ কলিয়াবৰ সমষ্টিৰ পৰা নিৰ্বাচিত হয়।
>> ১৯৯৮-৯৯ চনলৈ কমিটী অৱ গৱৰ্ণমেণ্ট এচুৰেঞ্চৰ সদস্য।
>> ২০০১ চনৰ ১৮ মে’ত অসমৰ মুখ্যমন্ত্ৰী ৰূপে দায়িত্বভাৰ গ্ৰহণ কৰে।
>> ২০০৬ চনৰ মে’ত তিতাবৰ বিধানসভা সমষ্টিৰ পৰা নিৰ্বাচিত আৰু দ্বিতীয়বাৰৰ বাবে মুখ্যমন্ত্ৰী ৰূপে দায়িত্বভাৰ গ্ৰহণ কৰে।
>> ২০১১ চনৰ মে’ত তিতাবৰ বিধানসভা সমষ্টিৰ পৰা নিৰ্বাচিত আৰু তৃতীয়বাৰৰ বাবে মুখ্যমন্ত্ৰী ৰূপে দায়িত্বভাৰ গ্ৰহণ।
২০১৬ চনৰ মে’ত তিতাবৰ বিধানসভা সমষ্টিৰ পৰা নিৰ্বাচিত আৰু মুখ্যমন্ত্ৰী পদৰ পৰা অব্যাহতি।