নিমন্ত্ৰণী পত্ৰ লাভ কৰিও ফিল্মফেয়াৰলৈ নগ’ল প্ৰাক্তন মুখ্যমন্ত্ৰী তৰুণ গগৈ! কাৰণটো...

প্ৰথম বাৰৰ বাবে মুম্বাইৰ বাহিৰত তথা অসমত অনুষ্ঠিত হৈছে ফিল্মফেয়াৰ এৱাৰ্ড ৷ ফিল্মফেয়াৰ এৱাৰ্ডকলৈ ৰঙীণ হৈ পৰিছে গুৱাহাটী ৷ এদিনৰ পূৰ্বৰ পৰা গুৱাহাটীত ভীৰ লাগিছে বলীউডৰ ৰথী–মহাৰথীৰ ৷ বলিউডৰ তাৰকা সকলক স্বচক্ষে চোৱাৰ কিমান যে হেঁপাহ প্ৰতিগৰাকী অনুৰাগীৰ!  অৱশ্যে এনে সুযোগ লাভ কৰিও অনুষ্ঠানলৈ নগ’লপ্ৰাক্তন মুখ্যমন্ত্ৰী তৰুণ গগৈ ৷ ফিল্মফেয়াৰলৈ নোযোৱাৰ কাৰণো ক’লে গগৈয়ে! গগৈৰ মতে, "বলীউডৰ তাৰকা আহিছে ভাল কথা, অনুষ্ঠান হওক, তাত আপত্তি নাই ৷ কিন্তু চৰকাৰী খৰছত ইমান ব্যয় বহুল অনুষ্ঠান ভাল নহয় ৷ তাতকৈ জনসাধাৰণৰ উন্নয়ণ কৰিব লগা বহুত কাম আছে ৷ কোনো প্ৰতিষ্ঠানে যদি নিজ খৰচত অসমত এনে অনুষ্ঠান আয়োজন কৰিলে হয় তেতিয়াহলে অনুষ্ঠানত অংশ গ্ৰহণ কৰিলো হয় ৷ কিন্তু চৰকাৰী খৰছত আয়োজন কৰা এনে অনুষ্ঠানলৈ মোৰ নৈতিক সমৰ্থন নাই ৷"

গগৈৰ মন্তব্য, "অসমৰ পৰ্যটন ক্ষেত্ৰলৈ পূৰ্বেও পৰ্যটক আহিছিল ৷ কিন্তু তেতিয়া আমি এতিয়াৰ ধৰণে বিজ্ঞাপনত ইমান বৃহৎ পৰিমাণৰ চৰকাৰী ধন ব্যয় কৰা নাছিলো ৷"

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।