মৰাণত বুঢ়ীদিহিঙৰ বুকুত জাহ গ’ল দুখন গাঁৱৰ ৩০টা পৰিয়ালৰ ঘৰ–বাৰী

বানৰ পিছতে বুঢ়ীদিহিঙৰ ভয়াৱহ খহনীয়াৰ কবলত মৰাণ ৰাজহ চক্ৰৰ অন্তৰ্গত নিগম-চৰাইহাবি অঞ্চল। ডিব্ৰুগড় জিলাৰ মৰাণ ৰাজহ চক্ৰৰ অন্তৰ্গত ৩নং চৰাইহাবি আৰু নদীকিনাৰ নিগম গাঁৱত বিগত ২০ বছৰ ধৰি অব্যাহত থকা বুঢ়ীদিহিঙৰ খহনীয়াত সৰ্বস্বান্ত বহু পৰিয়াল ৷ টিংখাং বিধানসভা সমষ্টিৰ অন্তৰ্গত গাঁওকেইখনৰ প্ৰায় ৩০টা পৰিয়ালৰ মাটি-ভেটি ইতিমধ্যে জাহ গৈছে বুঢ়ীদিহিঙৰ বুকুত৷

৩নং চৰাইহাবি প্ৰাথমিক বিদ্যালয়খনো নদীৰ বুকুত জাহ গ’ল। গাঁওবাসীয়ে খহনীয়া প্ৰতিৰোধৰ বাবে বাৰম্বাৰ চৰকাৰ-প্ৰশাসনক আবেদন-নিবেদন জনাই আহিছে যদিও কোনো এখন চৰকাৰ অথবা জনপ্ৰতিনিধিয়ে বৰ্তমানলৈকে ব্যৱস্থা গ্ৰহণ নকৰাত হতাশ হৈ পৰিছে গাঁওবাসী৷ খহনীয়াৰ বাবে অঞ্চলটোৰ ডেৰ শতাধিক পৰিয়ালৰ প্ৰতি এতিয়া চৰম ভাবুকি আহি পৰিছে।