உங்கள் மாவட்டத்தைத் தேர்வுசெய்க

    • Home
    • »
    • News
    • »
    • assam
    • »
    • Encounter : কাৰ্বি আংলঙত আৰক্ষীৰ এনকাউণ্টাৰ, ৰংমংৱেত আৰক্ষী আৰু KDLFৰ সংঘৰ্ষত নিহত KDLFৰ চেয়াৰমেন

    Encounter : কাৰ্বি আংলঙত আৰক্ষীৰ এনকাউণ্টাৰ, ৰংমংৱেত আৰক্ষী আৰু KDLFৰ সংঘৰ্ষত নিহত KDLFৰ চেয়াৰমেন

    কাৰ্বি আংলঙত এনকাউণ্টাৰ

    কাৰ্বি আংলঙত এনকাউণ্টাৰ

    Encounter : কাৰ্বি আংলঙত নিহত হোৱা KDLFৰ চেয়াৰমেন জেকচন ৰংহাং বিভিন্ন সময়ত অপহৰণ কাণ্ডৰ লগত জড়িত থকাৰ তথ্য পাইছে আৰক্ষীয়ে।

    • Share this:
    শুকুৰবাৰে পুৱতি নিশা কাৰ্বি আংলং আৰক্ষী আৰু কাৰ্বি আংলঙৰ উগ্ৰপন্থী সংগঠন KDLFৰ মাজত সংঘৰ্ষ (Encounter)ৰ সূত্ৰপাত হয়। কাৰ্বি আংলঙৰ ৰংমংৱেৰ বিবিয়া ক্ৰ' গাঁৱত সংঘটিত হোৱা সংঘৰ্ষত KDLF উগ্ৰপন্থী সংগঠনৰ চেয়াৰমেন জেকচন ৰংহাং নিহত হয়। ঘটনাস্থলীৰ পৰা আৰক্ষীয়ে এটা পিষ্টল আৰু গুলী উদ্ধাৰ কৰাৰ লগতে উদ্ধাৰ কৰিছে বহু অপত্তিজনক সামগ্ৰী।

    বোকাজান মহকুমা আৰক্ষী (Bokajan Police) বিষয়াই জনোৱা মতে ১১ ডিচেম্বৰত ৰংমংৱেত দলং নিৰ্মাণৰ কামত জড়িত কোম্পানীৰ এজন শ্রমিকক অপহৰণ কৰিছিল KDLF  উগ্ৰপন্থীয়ে ৷ য'ত নেতৃত্ব দিছিল মৃত জেকচন ৰংহাঙে। যোৱা ১৫ ডিচেম্বৰ তাৰিখে অপহৃত শ্ৰমিকজনক আৰক্ষীয়ে উদ্ধাৰ কৰাৰ পাছৰ পৰাই জেকচন ৰংহাঙক বিচাৰি আৰক্ষীয়ে অভিযান অব্যাহত ৰাখিছিল। আজি পুৱতী নিশা বোকাজান মহকুমা আৰক্ষী বিষয়া জন দাসৰ নেতৃত্বত যোৱা অভিযানকাৰী দলৰ লগত হোৱা সংঘৰ্ষত নিহত হয় জেকচন।

    সংঘৰ্ষৰ সময়ত উগ্ৰপন্থীৰ দলটোত আছিল চাৰি-পাঁচ জন সদস্য। আন্ধাৰৰ সুযোগলৈ পলাই যায় আনকেইটা উগ্ৰপন্থী। উল্লেখ্য যে গুলীয়াগুলীত নিহত হোৱা KDLFৰ চেয়াৰমেন জেকচন ৰংহাং বিভিন্ন সময়ত অপহৰণ কাণ্ডৰ লগত জড়িত থকাৰ তথ্য পাইছে আৰক্ষীয়ে।

    Read all News in Assamese, Assam News Today, Entertainment News in Assamese, Business News in Assamese, Sports News in Assamese, Health News in Assamese, India News in Assamese
    Published by:Manjumoni Borah
    First published: