Job Mela: নিয়োগ মেলাৰ নামত তামাচা! বৰপেটাত পেলনীয়া কাগজ হৈ পৰি থাকিল শিক্ষিত নিবনুৱাৰ বায়'ডাটা

ৰাজ্য চৰকাৰে অনুষ্ঠিত কৰিছিল নিয়োগ মেলা (Job Mela)। কিন্তু অভিযোগ উঠিছে এয়া আছিল ভেঁকোভাওনা ৷ বৰপেটাতো উঠিছে এই অভিযোগ। নিয়োগ মেলাৰ নামত নিবনুৱাৰ পৰা বায়োডাটা গ্ৰহণ কৰি মূল্যহীন কাগজ দৰে  পেলাই দিয়া ঘটনাই এতিয়া বিভিন্ন প্ৰশ্নৰ অৱতাৰণা কৰিছে।

বৰপেটাৰ নিয়োগ বিভাগে আয়োজন কৰা নিয়োগ মেলাত এই ঘটনা সংঘটিত হৈছে ।
নিয়োগ বিভাগে নিবনুৱাৰ পৰা বায়োডাটা গ্ৰহণ কৰি পেলাই দিয়ে বায়োডাটাসহ সম্পূৰ্ণ কাগজ পত্ৰ ৷ এয়া  নিয়োগ মেলাৰ নামত শিক্ষিত নিবনুৱাক চৰম অপমান কৰা বুলি প্ৰতিক্ৰিয়া প্ৰকাশ কৰিছে ভুক্তভোগীসকলে (biodata dumping like worthless paper)।

শিক্ষাগত অৰ্হতাক জাবৰ-জোঁথৰৰ দৰে পেলাই দিয়া এনে কাৰ্যই শিক্ষিত নিবনুৱাৰ মৰ্মবেদনা উপলব্ধি কৰিব নোৱাৰা একাংশ চৰকাৰী-বেচৰকাৰী কৰ্মচাৰীৰ মানসিকতা প্ৰতিফলিত কৰিলে বুলি প্ৰকাশ কৰিছে সচেতন মহলে।

বৰপেটাত (Barpeta) অনুষ্ঠিত নিয়োগ মেলা  জিলা উপায়ুক্ত তেজ প্ৰসাদ ভূচালে শুভ উদ্বোধন কৰিছিল। জিলাখনৰ দূৰ-দূৰণিৰ পৰা নিবনুৱা যুৱক-যুৱতীয়ে আহি জমা দিছিল নিজৰ নথি-পত্ৰ । উভতি গৈছিল বুকুত সপোন লৈ। কিন্তু আবেদন জমা লোৱাৰ দায়িত্বত থকা কৰ্মচাৰীৰ হাতত এইদৰে নিমিষতে চাৰখাৰ হৈ গল নিবনুৱাৰ সপোন। শিক্ষিত নিবনুৱা যুৱক যুৱতীৰ মত- চাকৰি নিদিলেও অন্ততঃ বায়'ডাটাক সন্মান দিব পৰাকৈ সমৰ্থ থাকিব লাগিছিল এনে দায়িত্ববাহী কৰ্মচাৰীৰ।

Read all News in Assamese, Assam News Today, Entertainment News in Assamese, Business News in Assamese, Sports News in Assamese, Health News in Assamese, India News in Assamese