মৰ্মান্তিক! এজন গৈছিল কন্যাক থবলৈ, এজন গৈছিল ভনীয়েকৰ খবৰ ল’বলৈ, কিন্তু ভয়ংকৰ দুৰ্ঘটনাই চিৰদিনৰ বাবে আঁতৰাই লৈ গ’ল দুয়োকে

News18 Assam | News18-Assam
Updated:June 20, 2020, 8:17 PM IST
মৰ্মান্তিক! এজন গৈছিল কন্যাক থবলৈ, এজন গৈছিল ভনীয়েকৰ খবৰ ল’বলৈ, কিন্তু ভয়ংকৰ দুৰ্ঘটনাই চিৰদিনৰ বাবে আঁতৰাই লৈ গ’ল দুয়োকে
মৃত্যু কেতিয়া আহে কোনেও নাজানে!

মৃত্যু কেতিয়া আহে কোনেও নাজানে!

  • Share this:
মৃত্যু কেতিয়া আহে কোনেও নাজানে! ইংৰাজী বিষয়ত লেটাৰ নম্বৰসহ মেট্ৰিক পৰীক্ষাত প্ৰথম বিভাগত উৰ্ত্তীণ হৈছিল কৃষ্ণাইৰ নম্ৰতা ৰাভা ৷ মেট্ৰিকত ভাল ৰিজাল্ট কৰাৰ পিছত ধনুভাঙাৰ মোমায়েকৰ ঘৰতে থাকি ধূপধৰা কলেজত উচ্চ শিক্ষা লোৱাৰ সিদ্ধান্ত লৈছিল নম্ৰতাই। শণিবাৰে নম্ৰতাক মোমায়েকৰ ঘৰত থবলৈ লৈ আহিছিল দেউতাকে। কিন্তু বাটতে যেন ৰৈ আছিল নিয়তি। সন্মুখৰ ফালৰ পৰা আহি থকা এখন ভাৰ্না গাড়ীৰ সৈতে মুখামুখি সংঘৰ্ষ হয় নম্ৰতা আৰু দেউতাক নবকান্ত ৰাভা গৈ থকা থকা মাৰুতী ভেন খনৰ। দুৰ্ঘটনাত থিতাতে নিহত হয় নম্ৰতাৰ দেউতাক নৱকান্ত ৰাভা।

ইফালে ভাৰ্না খনত আছিল নয়নজ্যোতি দাস নামৰ এজন লোক। নিজ ভগ্নীৰ খবৰ ল’বলৈ গুৱাহাটীৰ পৰা গোৱালপাৰা চহৰলৈ গৈ থকা অৱস্থাতে লোকজনৰ গাড়ীখনৰ সৈতে নৱকান্ত ৰাভাৰ গাড়ীখনৰ মুখামুখী সংঘৰ্ষ হয়। দুৰ্ঘটনাত নয়নজ্যোতি দাসো থিতাতে নিহত হয়।

দুৰ্ঘটনাত গুৰুতৰ ভাবে আহত হৈছে নম্ৰতা ৰাভা।নম্ৰতাক সংকটজনক অৱস্থাত গুৱাহাটী চিকিত্‍সা মহাবিদ্যালয়ত ভৰ্তি কৰা হৈছে। ইফালে দুৰ্ঘটনাৰ খৱৰ পাই দুয়োটা পৰিয়ালৰ লোক দুধনৈ আৰক্ষী থানাত আহি উপস্থিত হয়। দুৰ্ঘটনাৰ ফলত সমগ্ৰ অঞ্চলতে শোকৰ ছাঁ পৰিছে।
First published: June 20, 2020, 8:10 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading