‘এনেকুৱা কাম নকৰিব’–শেষবাৰৰ কাৰণে সকীয়নি জুবিন গাৰ্গৰ, পিছে কাক সকীয়ালে জুবিন গাৰ্গে?

News18 Assam | News18-Assam
Updated:February 20, 2020, 4:07 PM IST
‘এনেকুৱা কাম নকৰিব’–শেষবাৰৰ কাৰণে সকীয়নি জুবিন গাৰ্গৰ, পিছে কাক সকীয়ালে জুবিন গাৰ্গে?
প্ৰচণ্ড খং উঠিছে জুবিন গাৰ্গৰ, পিছে এইবাৰ খং চৰকাৰৰ বিৰুদ্ধে নহয়।

প্ৰচণ্ড খং উঠিছে জুবিন গাৰ্গৰ, পিছে এইবাৰ খং চৰকাৰৰ বিৰুদ্ধে নহয়।

  • Share this:
প্ৰচণ্ড খং উঠিছে জুবিন গাৰ্গৰ, পিছে এইবাৰ খং চৰকাৰৰ বিৰুদ্ধে নহয়। ফিল্মফেয়াৰ অনুষ্ঠানৰ দিনা মুখ্যমন্ত্ৰী সৰ্বানন্দ সোণোৱালৰ সৈতে আলিংগন কৰি সৰ্বত্ৰ চৰ্চা লাভ কৰা জুবিন গাৰ্গে এইবাৰ ছচিয়েল মিডিয়াৰ জৰিয়তে দিছে অন্তিম সকীয়নি!



জুবিন গাৰ্গৰ অভিযোগ, মানস ৰবীনৰ লগতে অন্যান্য শিল্পীৰ সৈতে জুবিন গাৰ্গ মাজত থকা সম্পৰ্ক বেয়া কৰিবলৈ এচামে এতিয়া ষড়যন্ত্ৰ কৰিছে। উল্লেখযোগ্য যে, জুবিন গাৰ্গে ফিল্মফেয়াৰ অনুষ্ঠানৰ দিনা মুখ্যমন্ত্ৰী সোণোৱালৰ সৈতে আলিংগন কৰাৰ সময়ত ৰাজপথত নাগৰিকত্ব সংশোধনী আইনৰ বিৰুদ্ধে হাতত প্লে’ কাৰ্ডলৈ প্ৰতিবাদ কৰিছিল মানস ৰবীনে। লগে লগে চৰ্চা চলিছিল যে, জুবিন গাৰ্গ আৰু মানস ৰবীনৰ মাজত এতিয়া বৃদ্ধি পাইছে দূৰত্ব। নাগৰিকত্ব সংশোধনী আইনক কেন্দ্ৰ কৰি দুয়োৰে মাজত সৃষ্টি হৈছে মত পাৰ্থক্য। আনকি যোৱা ১৬ ফেব্ৰুৱাৰীত এখন বাতৰি কাকতত মানস ৰবীনে কাক সুধি আন্দোলন কৰিছিল বুলি জুবিন গাৰ্গে প্ৰশ্ন কৰা বুলিও বাতৰি প্ৰকাশ পাইছিল।

এতিয়া জুবিন গাৰ্গে এই সন্দৰ্ভত দিছে স্পষ্টীকৰণ। জুবিন গাৰ্গে ফেচবুকত লিখিছে যে, ‘এনেধৰণৰ ভুৱা বাতৰি প্ৰকাশ কৰি কি ভাল পায়? আমাৰ মাজত থকা সম্পৰ্ক বেয়া কৰিবলৈ এয়া এক ষড়যন্ত্ৰ। নাগৰিকত্ব সংশোধনী আইনৰ বিৰুদ্ধে আমি ঐক্যবদ্ধ। মাত্ৰ পৰীক্ষা চলি থকাৰ বাবে এতিয়া আন্দোলন সাময়িক ভাবে স্থগিত ৰখা হৈছে। পৰীক্ষা শেষ হোৱাৰ পিছত CAAৰ বিৰুদ্ধে অধিক তীব্ৰতৰ আন্দোলন গঢ়ি তুলা হ’ব। এনে কাম আগলৈ নকৰিব। আমাৰ সম্পৰ্ক বেয়া কৰিবলৈ চেষ্টা নকৰিব। সকীয়াই দিলো। জয় আই অসম।’

Published by: Himangshu Bhuyan
First published: February 20, 2020, 4:01 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading