ৰাজ্যত পুনৰ কোৰোণা ভাইৰাছত আক্ৰান্ত লোকৰ সংখ্যা বৃদ্ধি পোৱা পৰিলক্ষিত হৈছে।গুৱাহাটীৰ ডন বস্ক' স্কুলৰ শিক্ষকৰ দেহত কোৰোণা পজিটিভ পোৱাৰ পিছত সোমবাৰে ডিব্ৰুগড় বিশ্ববিদ্যালয়ৰ দুগৰাকী শিক্ষাৰ্থীৰ দেহত কোৰোণাৰ অৱস্থিতি ধৰা পৰে। ইয়াৰ পিছৰে পৰা সমগ্ৰ বিশ্ববিদ্যালয়ৰ চৌহদত ব্যাপক চাঞ্চল্যৰ সৃষ্টি হৈছে।
![]()
বিশ্ববিদ্যালয়ৰ ড° ভূপেন হাজৰিকা পৰিবেশ্য কলা অধ্যয়ন কেন্দ্ৰত দুগৰাকী শিক্ষাৰ্থীৰ দেহত কোভিড পজিটিভ পোৱাৰ পিছতে বিশ্ববিদ্যালয়ৰ চৌহদত এক আতংকই বিৰাজ কৰিছে। ঘটনাৰ গুৰুত্ব আৰু সজাগতাৰ প্ৰতি লক্ষ্য ৰাখি আজি বিশ্ববিদ্যালয়ৰ উপাচাৰ্যই ড° ভূপেন হাজৰিকা পৰিবেশ্য কলা অধ্যয়ন কেন্দ্ৰটো সাত দিনৰ বাবে কণ্টেইনমেণ্ট জ'ন ঘোষণা কৰিছে।
লগতে নিৰ্দেশনা যোগে কেন্দ্ৰটোৰ সকলো শিক্ষাৰ্থী, শিক্ষক, বিষয়া,কৰ্মচাৰীক সাত দিনৰ বাবে নিজ গৃহত কোৱাৰেণ্টাইন হোৱাৰ লগতে কোৰোণা পৰীক্ষা কৰিবলৈ নিৰ্দেশ দিছে।
Published by:Himangshu Bhuyan
First published:
অসমীয়াত ব্ৰেকিং নিউজ সৰ্বপ্ৰথম News18 অসমীয়াত| শেহতীয়া খবৰ, লাইভ নিউজ আপডেট. সবাতোকৈ বিশ্বাসযোগ্য অসমীয়া নিউজ ৱেবছাইট News18 অসমীয়া|