উজনি অসমত মৃত্যু প্ৰথম জন কোৰোণাত আক্ৰান্ত ৰোগী

উজনিত মৃত্যু প্ৰথমজন কোৰোণা ৰোগীৰ। চাবুৱাৰ দিনজান সেনা চাউনিত শনিবাৰে মৃত্যু হয় কোৰোণাত আক্ৰান্ত এজন সেনা জোৱানৰ। মধুমেহ আৰু উচ্চ ৰক্তচাপ ৰোগত আক্ৰান্ত জোৱানজনৰ ষ্ট্ৰ’ক হোৱাত ব্ৰেইন Hemorrhage হৈছিল।

লগে লগে সেনা জোৱান জনক যোৱা ১১জুনত দিনজাত চাউনিৰ সেনাৰ চিকিৎসালয়ত ভৰ্তি কৰোৱা হৈছিল যদিও শনিবাৰে চিকিৎসালয়তে মৃত্যু হয় জোৱান জনৰ। মৃত জোৱান জনৰ স্বাৱ পৰীক্ষাত কোৰোণাৰ অবস্থিতি ধৰা পৰে। ইফালে দিনজান সেনা চাউনিত মৃত্যু হোৱা জোৱান জনৰ সৈতে মুঠ চাৰিগৰাকী জোৱানৰ দেহত কোৰোণা পজিটিভ পোৱা গৈছে।

অৱশ্যে ট্ৰেভেল হিষ্ট্ৰী থকাৰ বাবে জোৱান কেইজন দিনজান সেনা চাউনিৰ ভিতৰতে কোৱাৰেণ্টাইনত আছিল।  জোৱানজনৰ নাম ৰাজু সুন্দৰ দেৱ বুলি জানিব পৰা গৈছে। ৩৯ বছৰীয়া জোৱানজন জলপাইগুৰিৰ পৰা যোৱা ৪ জুনত আহিছিল ৰে’লেৰে।