SI কেলেংকাৰী : দ্বিবন ডেকাক ৫ দিনৰ আৰক্ষী জিম্মালৈ প্ৰেৰণ

News18 Assam | News18-Assam
Updated:October 1, 2020, 5:16 PM IST
SI কেলেংকাৰী : দ্বিবন ডেকাক ৫ দিনৰ আৰক্ষী জিম্মালৈ প্ৰেৰণ
আৰক্ষীয়ে জিম্মাত লোৱাৰ পিছতে অসম আৰক্ষীৰ বিশেষ শাখাৰ কাৰ্যালয়লৈ লৈ অহা হয় দ্বিবনক৷ 

আৰক্ষীয়ে জিম্মাত লোৱাৰ পিছতে অসম আৰক্ষীৰ বিশেষ শাখাৰ কাৰ্যালয়লৈ লৈ অহা হয় দ্বিবনক৷ 

  • Share this:
ৰাজ্য কঁপোৱা SI কেলেংকাৰীৰ ন ন তথ্য ক্ৰমাৎ পোহৰলৈ আহিব। কেলেংকাৰীৰ অন্যতম নায়ক দ্বিবন ডেকাক গ্ৰেপ্তাৰৰ পিছতে এই কথা স্পষ্ট হৈছে ৷ ১০ দিনে পলাতক দ্বিবনক বুধবাৰে আৰক্ষীয়ে গ্ৰেপ্তাৰ কৰিবলৈ সক্ষম হয়৷

দ্বিবন ডেকাক গ্ৰেপ্তাৰৰ পিছতে বুধবাৰে নিশা লৈ অহা হয় আৰক্ষীৰ বিশেষ শাখাৰ কাৰ্যালয়লৈ ৷ নিশাটো আৰক্ষীয়ে জেৰা চলোৱাৰ অন্তত বৃহস্পতিবাৰে কামৰূপ জিলা মুখ্য ন্যায়িক দণ্ডাধীশৰ আদালতত হাজিৰ কৰোৱা হয় দ্বিবন ডেকাক৷

কাহিলীপাৰাৰ আৰক্ষীৰ বিশেষ শাখাৰ কাৰ্যালয়ৰ পৰা পোনে পোনে লৈ অহা হয় দ্বিবনক৷ আদালতত হাজিৰ কৰোৱাৰ সময়ত দ্বিবনক ৭ দিনৰ জিম্মাত বিচাৰিছিল আৰক্ষীয়ে৷ বিপৰীতে মুখ্য ন্যায়িক দণ্ডাধীশৰ আদালতে ৫ দিনৰ আৰক্ষী জিম্মালৈ প্ৰেৰণ কৰে। ৫ দিনৰ অন্তত পুনৰ হাজিৰ কৰিব লাগিব আদালতত৷

উল্লেখ্য যে আৰক্ষীয়ে জিম্মাত লোৱাৰ পিছতে অসম আৰক্ষীৰ বিশেষ শাখাৰ কাৰ্যালয়লৈ লৈ অহা হয় দ্বিবনক৷  ৫ দিনীয়া আৰক্ষীৰ জিম্মাৰ সময়ছোৱাত নিশ্চয়কৈ বহু গুৰুত্বপূৰ্ণ ক্লু লাভ কৰাৰ সম্ভাৱনা আছে আৰক্ষীয়ে৷
Published by: Sanjay Kumar Das
First published: October 1, 2020, 5:16 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading