ধেমাজিৰ শোকাৱহ পথ দুৰ্ঘটনাঃ ৪৮ ঘণ্টাৰ পিছত গেলুৱা নৈত উদ্ধাৰ চালকৰ মৃতদেহ

ধেমাজিৰ গেলুৱা নৈত সন্ধানহীন হোৱা গাড়ী চালক মনোৰঞ্জন মাহাতুৰ মৃতদেহ। ৪৮ ঘণ্টাৰ পিছত আজি পুৱা উদ্ধাৰ কৰা হয় গাড়ী চালক মনোৰঞ্জন মাহাতুৰ মৃতদেহ।ঘটনাস্থলীৰ পৰা পাঁচ কিলো মিটাৰ দুৰত্বত উদ্ধাৰ হৈছে মনোৰঞ্জন মাহাতুৰ মৃতদেহ। এন ডি আৰ এফ বাহিনীৰ ধাৰাবাহিক অভিযানৰ পিছত উদ্ধাৰ কৰা হয় চালকজনৰ মৃতদেহ।



বৃহস্পতিবাৰে বিয়া খাবলৈ যাওতে গেলুৱা দলঙৰ ৰেলিং ভাঙি নৈত পৰিছিল লখিমপুৰৰ টংকেশ্বৰ কলিতাৰ পৰিয়াল। ঘটনা সংঘটিত হোৱাৰ পিছতে কেইজনমান যুৱকে নদীত জাপ দি মাতৃ আৰু ডাঙৰ কন্যা কুকি কলিতাক জীৱন্তে উদ্ধাৰ কৰে যদিও সন্ধানহীন হৈ পৰিছিল টংকেশ্বৰ কলিতা, সৰু কন্যা ৰিকি কলিতা আৰু গাড়ীখনৰ চালক মনোৰঞ্জন মাহাতু।



শুকুৰবাৰে টংকেশ্বৰ কলিতা আৰু কুকি কলিতাৰ মৃতদেহ উদ্ধাৰ কৰা হয়। কিন্তু  সন্ধানহীন হৈ আছিল মনোৰঞ্জন মাহাতু। আৰু অৱশেষত আজি পুৱা উদ্ধাৰ কৰা হয় মনোৰঞ্জন মাহাতুৰ মৃতদেহ।