• Home
  • »
  • News
  • »
  • assam
  • »
  • নাগৰিকত্বৰ প্ৰমাণ দিয়াৰ পিছতো বাৰে বাৰে বিদেশী ন্যায়াধীকৰণে প্ৰেৰণ কৰিছে জাননী, বিপদত পৰিছে ঢেকীয়াজুলিৰ এটা হিন্দু বাঙালী পৰিয়াল

নাগৰিকত্বৰ প্ৰমাণ দিয়াৰ পিছতো বাৰে বাৰে বিদেশী ন্যায়াধীকৰণে প্ৰেৰণ কৰিছে জাননী, বিপদত পৰিছে ঢেকীয়াজুলিৰ এটা হিন্দু বাঙালী পৰিয়াল

আদালতত কিমানবাৰ নিজকে ভাৰতীয় হোৱাৰ প্ৰমাণ দিব লাগিব তেওঁলোকে?

আদালতত কিমানবাৰ নিজকে ভাৰতীয় হোৱাৰ প্ৰমাণ দিব লাগিব তেওঁলোকে?

আদালতত কিমানবাৰ নিজকে ভাৰতীয় হোৱাৰ প্ৰমাণ দিব লাগিব তেওঁলোকে?

  • Share this:
হিন্দু বাঙালীক সুৰক্ষা দিয়াৰ বাবে বিজেপি নেতৃত্বাধীন চৰকাৰ খন বদ্ধপৰিকৰ বুলি বিভিন্ন সময়ত ৰাজ্যৰ মুখ্যমন্ত্ৰীকে ধৰি নেতা মন্ত্ৰীয়ে দাবী কৰি আহিছে ৷ বিজেপি চৰকাৰখনৰ এই দাবীৰ সময়তে একাংশ হিন্দু বাঙালীক বিদেশী ন্যায়াধীকৰণে ষড়যন্ত্ৰমূলক ভাবে বিদেশী চিনাক্তকৰণৰ নামত হাৰাশাস্তি কৰাৰ অভিযোগ উঠিছে৷

বিদেশী ন্যায়াধীকৰণ আদালতত তিনিবাৰকৈ স্বদেশী ঘোষিত এটা পৰিয়ালৰ তিনিজন লোকক পুনৰ তৃতীয়বাৰৰ বাবে বিদেশী ন্যায়াধীকৰণে প্ৰেৰণ কৰিছে জাননী ৷ ঢেকিয়াজুলি ৰাজহ চক্ৰৰ অন্তৰ্গত বৰছলাৰ বালিজান কছাৰি গাওঁত দুটাকৈ হিন্দু বাঙালী পৰিয়ালক বিদেশী ন্যায়াধীকৰণ আদালতৰ বাৰম্বাৰ জাননী প্ৰেৰণত চৰম হাৰাশাস্তিৰ সন্মুখীন হ'বলগীয়া হৈছে ৷

বৰছলাৰ বালিজান কছাৰিৰ হিন্দু বঙালী লোক কাশীনাথ মণ্ডল আৰু তেওঁৰ পুত্ৰ গোবিন্দ মণ্ডলে ২০১৬চনত তেজপুৰ বিদেশী ন্যায়াধীকৰণ আদালত-৩ পৰা ২৩৩/১৫আৰু ২৩২/১৫গোচৰ নং ভিত্তিত জাননী লাভ কৰে ৷ একেদৰে কাশীনাথ মণ্ডলৰ পত্নী নত সুন্দৰী মণ্ডলৰো তেজপুৰ বিদেশী ন্যায়াধীকৰণ আদালত-৩ পৰা ২০১৬ চনত১৪৩/১২ গোচৰ নং ভিত্তিত জাননী লাভ কৰে৷ উক্ত গোচৰৰ ভিত্তিত পৰিয়ালটো বিদেশী ন্যায়াধীকৰণ আদালতত কাষ চপাত গোচৰটোত এবছৰ ভিতৰতে জয়ী হৈ তিনিওকে স্বদেশী ঘোষণা কৰে আদালতে ৷

ইয়াৰ পিছত ২০১৮ চনত কাশীনাথৰ কন্যা বাসন্তি মণ্ডলকো গোচৰ নং ২৮৬০/২০১৮ ভিত্তিত তেজপুৰ বিদেশী ন্যায়াধীকৰণ আদালত-৩ পৰা জাননী লাভ কৰে ৷ কন্যা বাসন্তিও দুমাহৰ ভিতৰত আদালৰ পৰা স্বদেশী ঘোষিত হয় ৷ পুনৰ দ্বিতীয়বাৰৰ বাবে কাশীনাথ মণ্ডলে তেজপুৰ বিদেশী ন্যায়াধীকৰণ আদালত-৩ পৰা২২৮৯/১৩ গোচৰ নং ভিত্তিত জাননী লাভ কৰে ৷ কাশীনাথ দ্বিতীয়বাৰ স্বদেশী ঘোষিত হয় আদালত দুমাহৰ পিছত ৷

আনহাতে তৃতীয়বাৰৰ বাবে এতিয়া আকৌ স্বদেশী ঘোষিত কাশীনাথ মণ্ডল আৰু পত্নী নত সুন্দৰী মণ্ডললৈ বিদেশী ন্যায়াধীকৰণ আদালত তেজপুৰ -৩পৰা পুনৰ বিদেশী চিনাক্তকৰণৰ জাননী লাভ কৰাত হতভম্ব হৈছে পৰিয়াটো৷ দিন হাজিৰা কৰা এই হিন্দু বাঙালী পৰিয়ালটো আদালতত দুবাৰকৈ স্বদেশী ঘোষিত হোৱাৰ পিছতো  বিদেশী চিনাক্তকৰণৰ নামত বিদেশী ন্যায়াধীকৰণে পুনৰ জাননী প্ৰেৰণ কৰাত  বিপদত পৰিছে পৰিয়াটো৷

বাৰম্বাৰ বিদেশীৰ নামত জাননী লাভ কৰি হাৰাশাস্তিৰ সন্মূখীন হোৱাই নহয় সৰ্বস্বান্তও হবলগীয়া হৈছে কাশীনাথ মণ্ডলৰ পৰিয়াল ৷ কেৱল এই পৰিয়াটোৱে নহয় একে খন গাওঁৰে অনিল মণ্ডল আৰু অনিতা মণ্ডল বিদেশী ন্যায়াধীকৰণত দুবাৰকৈ স্বদেশী বুলি ঘোষণা হোৱাৰ পিছতো দুয়োজনে তৃতীয়বাৰৰ বাবে বিদেশীৰ নামত লাভ কৰিছে জাননী ৷

উল্লেখ্য যে, পৰিয়ালৰ ভোটাৰ তালিকাত কোনো “ডি”নাই লগতে NRCৰ চূড়ান্ত তালিকাত পৰিয়ালৰ সকলো সদস্যৰে নাম সন্নিবিষ্ট হৈছে ৷ আধাৰ, ভোটাৰ কাৰ্ড, ৰেচন কাৰ্ড, পান কাৰ্ড, মাটিৰ নথি সকলোৱেই আছে তেওঁলোকৰ৷ ইমানৰ পাছতো এইসকল লোক আদালতত কিমানবাৰ কাষ চাপি নিজকে ভাৰতীয় বুলি প্ৰমান দিব লাগিব তাকলৈ চিন্তিত আৰু ক্ষুব্ধ এই সকল লোক ৷
Published by:Himangshu Bhuyan
First published:

শেহতীয়া বাতৰি