» অসম

ৰাজ্যৰ টেট পৰীক্ষা (TET)ৰ পূৰ্বৰ সময়সূচী সলনি কৰা হৈছে। শিক্ষা বিভাগে পূৰ্বনিৰ্ধাৰিত ২৪ অক্টোবৰ, ২০২১ তাৰিখে অনুষ্ঠিতব্য নিম্ন প্ৰাথমিক আৰু উচ্চ প্ৰাথমিক পৰ্যায়ৰ টেট পৰীক্ষা অনিবাৰ্য কাৰণবশতঃ ৩১ অক্টোবৰ, ২০২১লৈ পিছুৱাই দিয়ে।

এতিয়া ৩১ অক্টোবৰত দুয়োটা পৰ্যায়ৰ টেট পৰীক্ষা অনুষ্ঠিত হ'ব। শিক্ষামন্ত্ৰী ডাঃ ৰণোজ পেগুৱে মঙলবাৰে টুইটাৰযোগে টেট পৰীক্ষা অনুষ্ঠিত হ’বলগীয়া সময়সূচীক লৈ ঘোষণা কৰে।

TET for LP and UP Level-2021 will be held on 31st October, 2021. Earlier it was scheduled to be held on 24th October, 2021. pic.twitter.com/Tq4fOHmA5e

— Ranoj Pegu (@ranojpeguassam) October 12, 2021

এই সম্পৰ্কে শিক্ষা বিভাগৰ ফালৰ পৰাও নিম্ন প্ৰাথমিক (LP Level) আৰু উচ্চ প্ৰাথমিক (UP Level)ৰ টেট পৰীক্ষা ৩১ অক্টোবৰত অনুষ্ঠিত হ’ব বুলি জাননী জাৰি কৰিছে। ইয়াৰ পূৰ্বে ২৪ অক্টোবৰত এই পৰীক্ষা অনুষ্ঠিত হোৱাৰ কথা আছিল।