Delimitation of Constituencies in Assam: সমষ্টি পুনঃনিৰ্ধাৰণ! ২৬ মাৰ্চত গুৱাহাটীলৈ আহিব নিৰ্বাচন আয়োগ

সমষ্টি পুনঃনিৰ্ধাৰণ প্ৰক্ৰিয়াৰ বাবে তিনি দিনীয়া ভ্ৰমণসূচীৰে অসমলৈ আহিব দেশৰ পূৰ্ণাংগ নিৰ্বাচন আয়োগ ৷ দেশ মুখ্য নিৰ্বাচন আয়ুক্ত ৰাজীৱ কুমাৰে দুই সৰ্তীথ নিৰ্বাচন আয়ুক্ত অনুপ চন্দ্ৰ পাণ্ডে আৰু অৰুণ গোৱেলৰ সৈতে ২৬ মাৰ্চত আহি উপস্থিত হ'ব গুৱাহাটীত ৷ অসমৰ বিধানসভা আৰু সংসদীয় সমষ্টি পুনঃনিৰ্ধাৰণ বিষয়ত নিৰ্বাচন আয়োগে পৰ্যালোচনা কৰিব ৷

ৰাজ্যিক মুখ্য নিৰ্বাচনী বিষয়াই সদৰি কৰা মতে ২৭ মাৰ্চৰ পুৱা ৯ বজাৰ পৰা ১২ বজালৈ স্বীকৃতিপ্ৰাপ্ত ৰাজনৈতিক দল আৰু আঞ্চলিক দলৰ সৈতে কৰিব আলোচনা নিৰ্বাচন আয়োগে ৷ সেই দিনটোৰে আবেলি এক বজাৰ পৰা নাগৰিক প্ৰতিনিধি, সামাজিক সংগঠনৰ প্ৰতিনিধিৰে কৰিব আলোচনা ৷ এই আলোচনা হ'ব হোটেল ৰেডিছন ব্লু'ত ৷

লগতে সমষ্টি পুনঃ নিৰ্ধাৰণৰ বিষয়ত ৰাজ্যৰ সকলো জিলাৰ নিৰ্বাচনী বিষয়া, ৰাজ্যৰ প্ৰশাসনৰ মূৰব্বীসকলৰ সৈতে বৈঠকত বহিব দেশৰ নিৰ্বাচন আয়োগে ৷
ইয়াৰ পিছত ২৮ মাৰ্চৰ আবেলি ৩ বজাত নিৰ্বাচন আয়োগে সংবাদ মাধ্যমক সম্বোধন কৰিব ৷

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।