உங்கள் மாவட்டத்தைத் தேர்வுசெய்க

    • Home
    • »
    • News
    • »
    • assam
    • »
    • ব্ৰহ্মপুত্ৰৰ বুকুত উদ্ধাৰ যুৱকৰ মৃতদেহ, দেহত পলিথিনেৰে বান্ধি থোৱা আছিল ১৯ জাই সজীৱ গুলী, মেগজিন আৰু ডেগাৰ

    ব্ৰহ্মপুত্ৰৰ বুকুত উদ্ধাৰ যুৱকৰ মৃতদেহ, দেহত পলিথিনেৰে বান্ধি থোৱা আছিল ১৯ জাই সজীৱ গুলী, মেগজিন আৰু ডেগাৰ

    পলিথিন পেপাৰৰে মেৰিয়াই থোৱা মৃতদেহটো উটি আহিল নদীৰ সোঁতত 

    পলিথিন পেপাৰৰে মেৰিয়াই থোৱা মৃতদেহটো উটি আহিল নদীৰ সোঁতত 

    পলিথিন পেপাৰৰে মেৰিয়াই থোৱা মৃতদেহটো উটি আহিল নদীৰ সোঁতত 

    • Share this:
    উত্তৰ অসমত শেহতীয়াকৈ বৃদ্ধি পাবলৈ ধৰিছে অসামাজিক কাম-কাজ ৷ ড্ৰাগছ, অবৈধ অস্ত্ৰ আদিৰে ভৰি পৰিছে সমগ্ৰ অঞ্চলটো ৷ আৰক্ষীয়ে দৈনিক নতুন নতুন গোচৰত ইজনৰ পিছত সিজন আচামীক আটক কৰিছে যদিও নিত্য নতুন ঘটনা আহিছে পোহৰলৈ ৷

    শনিবাৰে পুৱা বিশ্বনাথঘাটত এটা মৃতদেহ উদ্ধাৰ হোৱাৰ পিছতে চাঞ্চল্যৰ সৃষ্টি হৈছে ৷ ব্ৰহ্মপুত্ৰ নদীত উদ্ধাৰ হোৱা অচিনাক্ত মৃতদেহটোৰ পৰা উদ্ধাৰ হয় ১৯ জাই সজীৱ গুলী, ১টা মেগজিন আৰু এখন ডেগাৰ ৷ লগতে উদ্ধাৰ হৈছে চাৰিটা বেগ, পাঁচটা মোবাইল, খাদ্য সামগ্ৰী, কাপোৰ, জোতাকে আদি কৰি আন আপত্তিজনক সামগ্ৰী ৷ চাৰিটাকৈ বেগৰ ভিতৰত সুমুৱাই থোৱা আছিল আপত্তিজনক সামগ্ৰীসমূহ ৷ উমাইটুমণি নদী দ্বীপৰ পিছফালে বন বিভাগৰ বালিডুবি কেম্পৰ উপঙি থকা অৱস্থাত স্থানীয় ৰাইজে মৃতদেহটো প্ৰত্যক্ষ কৰি নদী আৰক্ষী আৰু কাজিৰঙাৰ বিশ্বনাথঘাট ৰেঞ্জক খবৰ দিয়ে ৷

    নাৱৰ জৰিয়তে নদী আৰক্ষীৰ দল উপস্থিত হয় ঘটনাস্থলীত ৷ আৰক্ষীৰ দলটো উপস্থিত হৈ মৃতদেহ উদ্ধাৰ  কৰা পিছত ঘটনাই লয় অন্য মোৰ! পলিথিন পেপাৰেৰে মেৰিয়াই থোৱা মৃতদেহটোত ওলাল আপত্তিজনক সামগ্ৰীসমূহ ৷ মৃতদেহৰ মুখ আৰু হাত দুখন ওলাই থকাৰ বিপৰীতে সমগ্ৰ শৰীৰ ঢকা আছিল পলিথিনেৰে ৷ অৱশ্যে প্ৰাৰম্ভিক পৰ্যায়ত মৃত ব্যক্তিজনৰ দেহত কোনো ধৰণৰ আঘাতৰ চিন লাভ কৰা নাই আৰক্ষীয়ে ৷

    স্থানীয় ৰাইজে কোনো উগ্ৰপন্থী সংগঠনৰ সদস্য হব পাৰে বুলি সন্দেহ প্ৰকাশ কৰাৰ বিপৰীতে আৰক্ষীয়ে গঁড়ৰ চোৰাং চিকাৰৰ লগত জড়িত ব্যক্তি বুলি সন্দেহ কৰিছে ৷ নদীৰ বোৱতী সোঁতত উজনিৰ পৰা নামনিৰ দিশে উটি অহা যুৱকজনৰ মৃতদেহ এটা টাপুত গছৰ মুহাত লাগি আছিল ৷

    ইতিমধ্যে আপত্তিজনক সামগ্ৰী সমূহ জব্দ কৰি বৰ্তমানলৈকে পৰিচয় লাভ নকৰা মৃতদেহটো মৰোনোত্তৰ পৰীক্ষাৰ বাবে  বিহালীলৈ প্ৰেৰণ কৰা হৈছে ৷ ইফালে কোনে কিয় এই যুৱকজনক হত্যা কৰিলে আৰু উদ্ধাৰ হোৱা আপত্তিজনক সামগ্ৰীসমূহ কাৰ সেয়া এতিয়াও ৰহস্যৰ আৱৰ্তত আছে ৷
    Published by:Himangshu Bhuyan
    First published: