ৰঙিয়াত ভয়ংকৰ ঘটনা, পিষ্টল দেখুৱাই প্ৰথমে খুজিলে গাড়ীৰ চাবি, অমান্তি হোৱাত চালকলৈ নিৰ্বিচাৰ গুলীচালনা

News18 Assam | News18-Assam
Updated:October 31, 2020, 11:19 AM IST
ৰঙিয়াত ভয়ংকৰ ঘটনা, পিষ্টল দেখুৱাই প্ৰথমে খুজিলে গাড়ীৰ চাবি, অমান্তি হোৱাত চালকলৈ নিৰ্বিচাৰ গুলীচালনা
ৰঙিয়াত শুকুৰবাৰে নিশা সংঘটিত হয় এক ভয়ংকৰ ঘটনা।

ৰঙিয়াত শুকুৰবাৰে নিশা সংঘটিত হয় এক ভয়ংকৰ ঘটনা।

  • Share this:
ৰঙিয়াত শুকুৰবাৰে নিশা সংঘটিত হয় এক ভয়ংকৰ ঘটনা। গাড়ী চুৰিৰ বাবে দুৰ্বৃত্ত‌ই গুলীয়ালে গাড়ীৰ চালকক। গুৰুতৰভাৱে আহত গাড়ীৰ চালকক চিকিৎসালয়ত ভৰ্তি। আহত ব্যক্তিজন হৈছে গুৱাহাটী গোটানগৰৰ দীপক দাস। ব্যক্তিজন নিজৰ চুইফ্ট ডিজায়াৰ গাড়ীলৈ ৰঙিয়াৰ তিনিআলিত থকা শহুৰেকৰ ঘৰ অভিমুখে গৈ থকা অৱস্থাত বাইহাটা চাৰিআলিত দুজন যুৱকে গাড়ীখন ৰখায়।

ইয়াৰে এজন যুৱকৰ গৰ্ভৱতী পত্নী অসুস্থ বুলি কৈ গাড়ীখনত উঠি ৰঙিয়ালৈ যাব বিচাৰে। মানৱীয়তাৰ খাতিৰত দাসে যুৱক দুজনক ৰঙিয়ালৈ লৈ যায়। ইয়াৰ পিছত ৰঙিয়াৰ হাইৱে' চকত যুৱক দুজনক নমাই দিব বিচাৰে। কিন্তু যুৱক দুজনে নিশা হোৱাৰ বাবে ঘৰলৈ যোৱাৰ কোনো বাহন নাপাব বুলি কৈ হাইৱে' চকৰ কেকুৰীত নমাই দিবলৈ অনুৰোধ কৰে।

পিছত যুৱক দুজনৰ অনুৰোধ ৰক্ষা কৰি হাইৱে চকৰ কেকুৰিত নমাই দিব বিচৰা অৱস্থাতে দাসক পিছফালৰ পৰা পিষ্টল দেখউৱাই তেওঁলোকৰ নিৰ্দেশ মতে যাবলৈ ভাবুকি দিয়ে। সেই মতে, ৰঙিয়াৰ দহৰা পাৰ হোৱাৰ পিছত জামৰ তল নামৰ ঠাইত যুৱক দুজনে গাড়ীখন ৰখায়। লগে লগে যুৱক দুজনে দাসৰ পৰা গাড়ীৰ চাবি বিচাৰে। চাবি দিবলৈ অমান্তি হোৱাত এজন যুৱকে দাসক পিষ্টলেৰে ডিঙিত গুলীয়ায়।

কিন্তু সাহসী ব্যক্তিজনে কোনোমতে সেই ঠাইৰ পৰা দৌৰি পলায়ন কৰে। ৰিম'টৰ চাবি থকা বাবে দুৰ্বৃত্ত‌ই গাড়ীখন চুৰি কৰাত ব্যৰ্থ হয়। পিছত আহত ব্যক্তিজনক প্ৰথমে ৰঙিয়া অসামৰিক চিকিৎসালয়ত ভৰ্তি কৰোৱা হয়। পিছত সংকটজনক অৱস্থাত তেওঁক গুৱাহাটীৰ আয়ুষচন্দ্ৰা হস্পিতল ভৰ্তি কৰা হয়। ইফালে ৰঙিয়া আৰক্ষীৰ এটা দলে ঘটনাস্থলীত গৈ তদন্ত আৰম্ভ কৰে। অপৰাধীৰ সন্ধানত নিশাৰ ভাগতে তীব্ৰ অভিযান চলাই যদিও বৰ্তমানলৈকে কৰায়ত্ত কৰিবলৈ সক্ষম হোৱা নাই।
Published by: Himangshu Bhuyan
First published: October 31, 2020, 11:19 AM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading