অসম পালেহি নক্সালৰ এম্বুছত ছত্তীশগড়ত শ্বহীদ অসমৰ বাবলু ৰাভাৰ নশ্বৰদেহ

নক্সালৰ এম্বুছত ছত্তীশগড়ত  শ্বহীদ হোৱা  CRPFৰ ২১০ নং কোব্ৰা বেটেলিয়নৰ  অসমৰ বাবলু ৰাভাৰ নশ্বৰ দেহ বৰঝাৰ বিমানবন্দৰৰ পৰা পোনে পোনে  মহানগৰীৰ ধাৰাপুৰস্থিত 175 নম্বৰ CRPF  কেম্পলৈ লৈ অনা হয়৷ ধাৰাপুৰৰ CRPF কেম্পত CRPF ৰ উচ্চপদস্থ বিষয়া আৰু জোৱান সকলে ৰাষ্টীয় মৰ্যাদাৰে শ্বহীদ বাবলু ৰাভাক শ্ৰদ্ধাঞ্জলি জনায়।নিশা ২বজাত শ্বহীদ বাবলু ৰাভাৰ নশ্বৰদেহ নিজ বাসগৃহ দুধনৈলৈ লৈ যোৱা হব।

শনিবাৰে ছত্তীশগড়ৰ বিজাপুৰ জিলা তাৰৰেম অঞ্চলৰ ঘন জংঘল আৰু পাহাৰীয়া এলেকাত নক্সালবাদীৰ সৈতে হোৱা CRPFৰ গুলীয়াগুলীত নিৰাপত্তা বাহিনীৰ  ৫ জোৱান শ্বহীদ হোৱাৰ লগতে এগৰাকী মহিলা নিহত হৈছিল ৷ এই সংঘৰ্ষতে শ্বহীদ হয় অসমৰ দুধনৈৰ বাবলু ৰাভা নামৰ জোৱানগৰাকী।

বাবলু ৰাভাৰ ঘৰ অসমৰ দুধনৈৰ নিকটৱৰ্তী দামৰাৰ পাটপাৰাত ৷ ৯ বছৰ পূৰ্বে চি আৰ পি এফৰ কোব্ৰা বেটেলিয়নত যোগ দিছিল বাবলুয়ে ৷ যোৱা ডিচেম্বৰ মাহত শেষ বাৰৰ বাবে ঘৰলৈ আহিছিল বাবলু ৷ শ্বহীদ বাবলু ৰাভাই এৰি গৈছে পত্নীসহ এগৰাকী ৭ বছৰীয়া কন্যা।