• Home
  • »
  • News
  • »
  • assam
  • »
  • গুৱাহাটীত উপস্থিত CPI(M) নেত্ৰী বৃন্দা কাৰাট, ধলপুৰৰ উচ্ছেদক লৈ বিজেপিক ক্ষুৰধাৰ সমালোচনা

গুৱাহাটীত উপস্থিত CPI(M) নেত্ৰী বৃন্দা কাৰাট, ধলপুৰৰ উচ্ছেদক লৈ বিজেপিক ক্ষুৰধাৰ সমালোচনা

''গুজৰাটৰ আৰ্হিত হিন্দু ৰাজ্য স্থাপনৰ লক্ষ্য মুখ্যমন্ত্ৰী হিমন্ত বিশ্ব শৰ্মাৰ ৷''– বৃন্দা কাৰাট

''গুজৰাটৰ আৰ্হিত হিন্দু ৰাজ্য স্থাপনৰ লক্ষ্য মুখ্যমন্ত্ৰী হিমন্ত বিশ্ব শৰ্মাৰ ৷''– বৃন্দা কাৰাট

''গুজৰাটৰ আৰ্হিত হিন্দু ৰাজ্য স্থাপনৰ লক্ষ্য মুখ্যমন্ত্ৰী হিমন্ত বিশ্ব শৰ্মাৰ ৷''– বৃন্দা কাৰাট

  • Share this:

''বিজেপিৰ উচ্ছেদ মাথোন সংখ্যালঘুৰ ওপৰত ৷ হিন্দু ৰাজ্যৰ পৰীক্ষাগাৰ চলিছে অসমত ৷ গুজৰাটৰ আৰ্হিত হিন্দু ৰাজ্যৰ স্থাপনৰ লক্ষ্য মুখ্যমন্ত্ৰী হিমন্ত বিশ্ব শৰ্মাৰ ৷'' -এই অভিযোগ CPI (M)ৰ ৰাষ্ট্রীয় নেত্ৰী বৃন্দা কাৰাটৰ ৷


গৰুখুঁটিৰ ধলপুৰৰ উচ্ছেদিত ৰাইজৰ মৰ্মবেদনাৰ বুজ লৈ গুৱাহাটীত উপস্থিত হয় কেন্দ্ৰীয় নেত্ৰীগৰাকী ৷ তেওঁ উচ্ছেদৰ ঘটনাক লৈ উদ্বিগ্নতা প্ৰকাশ কৰি কয় যে এই উচ্ছেদিত ৰাইজ এতিয়া ক'ত যাব? দুদিন পূৰ্বে জাননী প্ৰকাশ কৰি স্থানন্তৰ হ'বলৈ নিৰ্দেশ দিছিল অঞ্চলবাসীক ৷ দীৰ্ঘদিনে বসবাস কৰা লোকক উচ্ছেদৰ পূৰ্বে বিকল্প স্থান দিব লাগিছিল ৷


চিপিআইএম নেত্ৰীগৰাকীয়ে কয় যে জনতাৰ অধিকাৰ ৰক্ষাত ব্যৰ্থ হৈছে কেন্দ্ৰৰ লগতে ৰাজ্য চৰকাৰ ৷ আনহাতে তেওঁ পুলিচৰ সন্মুখতে মৃত ব্যক্তিৰ ওপৰত অত্যাচাৰ কৰাৰ কথাটো উনুকিয়াই এয়া মানি ল'ব নোৱাৰি বুলি উল্লেখ কৰে।


উচ্ছেদিত অঞ্চলক লৈ কাৰটে কয়–  ''কদৰ্য, দুৰ্গম স্থানত বসবাস কৰিছিল লোকসকলে ৷ তেওঁলোকৰ খাদ্য, পানীৰ সমস্যা সমাধানত গুৰুত্ব দিব লাগিছিল চৰকাৰে ৷ ঔষধ, খাদ্য যোগান ধৰা দূৰৰে কথা পানী টোপালো যোগান ধৰা নাই ৷''


উল্লেখ্য ছিপাঝাৰৰ ধলপুৰত সংঘটিত উচ্ছেদৰ ঘটনাক লৈ এতিয়া ৰাজ্যৰ লগতে কেন্দ্ৰীয়  ৰাজনীতিকে মত প্ৰকাশ কৰি থকা পৰিলক্ষিত হৈছে।

Published by:Gautam Barman
First published: