• Home
  • »
  • News
  • »
  • assam
  • »
  • Cow Seized : চামগুৰিৰ হেকমত, জাহাংগীৰ আৰু মকবুলৰ নেতৃত্বত মধ্য অসমত চলিছে চোৰাং গৰুৰ ছিণ্ডিকেট, সন্ধানত আৰক্ষী

Cow Seized : চামগুৰিৰ হেকমত, জাহাংগীৰ আৰু মকবুলৰ নেতৃত্বত মধ্য অসমত চলিছে চোৰাং গৰুৰ ছিণ্ডিকেট, সন্ধানত আৰক্ষী

গৰু সৰবৰাহকাৰী

গৰু সৰবৰাহকাৰী

Cow Seized : তেজপুৰ বালিপাৰাৰ পৰা ৩৫টা গৰু মেঘালয় (Meghalaya)লৈ নিয়াৰ পথতে ট্ৰাকখন আৰক্ষীয়ে জব্দ কৰে ৷

  • Share this:
নগাঁৱৰ বৰঘাটত আৰক্ষীয়ে চোৰাংভাবে গোধন সৰবৰাহ (Cow Smuggling) কৰা এখন ট্ৰাক আজি জব্দ কৰে৷ এই ঘটনাৰে জৰিত দুজন লোকক ইতিমধ্যে গ্ৰেপ্তাৰ কৰিছে ৷ উল্লেখযোগ্য যে আজি দুপৰভাগত গোপন সুত্ৰৰ পম খেদি বৰঘাট আৰক্ষীয়ে গৰু ভৰ্তি ট্ৰাকখন জব্দ কৰিবলৈ সক্ষম হয় ৷ আৰক্ষীয়ে জব্দ কৰা ট্ৰাকখনৰ নম্বৰ হৈছে AS-23-CC-0886 ৷

জানিব পৰা মতে ৩৫টা গৰু লৈ ট্ৰাকখন তেজপুৰ বালিপাৰাৰ পৰা আহিছিল ৷ চোৰাং কৈ গৰুকেইটা মেঘালয় (Meghalaya)লৈ নিয়াৰ পথতে আৰক্ষীয়ে জব্দ কৰিবলৈ সক্ষম হয় ৷ এই চোৰাং ব্যৱসায়ৰে জড়িত থকা দুজন ব্যৱসায়ীৰ নাম পোহৰলৈ আহিছে ৷ ব্যৱসায়ী দুজনৰ নাম হৈছে মকবুল হুছেইন আৰু হেকমত আলি ৷ দুয়োজনৰ ঘৰ চামগুৰিত ৷

মকবুল আৰু হেকমতৰ সন্ধানত আৰক্ষীয়ে অভিযান আৰম্ভ কৰিছে ৷  আৰক্ষীয়ে ইতিমধ্যে গাড়ীখনৰ চালক আৰিফ খান আৰু হেণ্ডিমেন ছাদ্দাম হুছেইনক আটক কৰিছে। ইয়াৰে আৰিফ খানৰ ঘৰ তিনিচুকীয়া চহৰত আৰু ছাদ্দামৰ ঘৰ তেজপুৰত বুলি জানিব পৰা গৈছে।

Read all News in Assamese, Assam News Today, Entertainment News in Assamese, Business News in Assamese, Sports News in Assamese, Health News in Assamese, India News in Assamese
Published by:Manjumoni Borah
First published: