‘কোৰোণা ভাইৰাছকলৈ ৰাজনীতি নকৰিব’- ৰিপুণ বৰাক সকীয়নি ৰণজিৎ দাসৰ

News18 Assam | News18-Assam
Updated:April 10, 2020, 5:22 PM IST
‘কোৰোণা ভাইৰাছকলৈ ৰাজনীতি নকৰিব’- ৰিপুণ বৰাক সকীয়নি ৰণজিৎ দাসৰ
‘ৰাজনীতি নকৰিব, এয়া ৰাজনীতিৰ সময় নহয়’- সংকটৰ সময়ত সকলোলোকে আহ্বান ৰাজ্যিক বিজেপিৰ সভাপতি ৰণজিৎ দাসৰ ৷

‘ৰাজনীতি নকৰিব, এয়া ৰাজনীতিৰ সময় নহয়’- সংকটৰ সময়ত সকলোলোকে আহ্বান ৰাজ্যিক বিজেপিৰ সভাপতি ৰণজিৎ দাসৰ ৷

  • Share this:
বিশ্বজুৰি ত্ৰাসৰ সৃষ্টি কৰা কোৰোণা মহামাৰীৰ সংক্ৰমণৰ পৰা ৰাজ্যবাসীক ৰক্ষা কৰিবলৈ লোৱা পদক্ষেপৰ বাবে মুখ্যমন্ত্ৰী সৰ্বানন্দ সোণোৱাল আৰু স্বাস্থ্যমন্ত্ৰী ড৹ হিমন্ত বিশ্ব শৰ্মাক ধন্যবাদ জনাইছে ৰণজিত্‍ দাসে। কিন্তু একেটা সময়তে অসম প্ৰদেশ কংগ্ৰেছৰ সভাপতি ৰিপুণ বৰাক সমালোচনাৰ লক্ষ্য কৰি ল'লে ৰাজ্যিক বিজেপিৰ সভাপতিজনে।

কোৰোণা ভাইৰাছৰ ফলত সৃষ্টি হোৱা সংকটৰ সময়ছোৱাত দেশজুৰি এতিয়া ল'ক ডাউন। ল’ক ডাউনৰ সময়ছোৱাত অসুবিধাৰ সন্মুখীন হোৱা বিপিএল পৰিয়াল সমূহক চৰকাৰে দিয়া সাহায্যক লৈ APCCৰ সভাপতি ৰিপুণ বৰাই চৰকাৰক তীব্ৰ সমালোচনা কৰিছিল।

যাৰ প্ৰত্যুত্তৰ দি ৰণজিৎ দাসে শুকুৰবাৰে কয় যে, ‘কভিড 19ৰ বিৰুদ্ধ যুঁজখনত মুখ্যমন্ত্ৰী,স্বাস্থ্যমন্ত্ৰীয়ে সাৱলীল ভাৱে নেতৃত্ব দিছে ৷ দূৰদৰ্শী নেতৃত্বই কোৰোণা প্ৰতিৰোধত সহায় কৰিছে ৷ কংগ্ৰেছৰ সভাপতি গৰাকীয়ে সামগ্ৰী বিতৰণক লৈ ৰাজনীতিকৰণ কৰা বুলি অনা অভিযোগ দুৰ্ভাগ্যজনক ৷ এই সময়ত এনে মন্তব্যই বিচলিত কৰে ৷ কংগ্ৰেছৰ দিনত প্ৰস্তুত কৰা BPLতালিকাৰ ভিত্তিতে চৰকাৰে হাজাৰ টকাকৈ দিছে পৰিয়াল সমূহক ৷ গতিকে এনে মন্তব্য কৰাৰ পৰা সকলো বিৰত থাকক ৷’

সভাপতি ৰণজিৎ দাসে লগতে কয় যে, ‘চৰকাৰে পৰিস্থিতি সাপেক্ষে ৰাজ্যখনৰ কৃষি-কৰ্ম, কৃষি-বাণিজ্য আৰু পশু-পালনক ৰেহাই দিয়াৰ বিবেচনা কৰাৰ প্ৰয়োজন ৷ কৃষকৰ উৎপাদিত ফচলসমূহৰ বিক্ৰীৰ ব্যৱস্থাৰ লগতে গাঁও অঞ্চলৰ ধান বনা কলসমূহ নিয়মৰ মাজত খোলা আৰু পশুপালক সকলৰ উৎপাদিত গাখীৰ, মাংস আদি বিক্ৰীৰ সু-ব্যৱস্থা কৰাক অগ্ৰাধিকাৰমূলক বিবেচনা কৰিবলৈ চৰকাৰক আহ্বান জনাইছো।’

ইফালে চৰকাৰৰ সমান্তৰালভাৱে ৰাষ্ট্ৰীয় অধ্যক্ষ জে পি নাড্ডাৰ আহ্বানৰ প্ৰতি সঁহাৰি জনাই ১৫মে' পৰ্যন্ত বিজেপিৰ ৩২,৯১২ গৰাকী কাৰ্যকৰ্তাই ৮,২৮,৭৪১টা পৰিয়ালক আগবঢ়াব সাহাৰ্য ৷ সংবাদমেলত এই কথাও সদৰি কৰিলে সভাপতি গৰাকীয়ে ৷
Published by: Himangshu Bhuyan
First published: April 10, 2020, 5:22 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading