Coronavirus Vaccination Drive- আজিৰ পৰা দেশত আৰম্ভ কোৰোণাৰ বিৰুদ্ধে মহা অভিযান

News18 Assam | News18-Assam
Updated:January 16, 2021, 9:10 AM IST
Coronavirus Vaccination Drive- আজিৰ পৰা দেশত আৰম্ভ কোৰোণাৰ বিৰুদ্ধে মহা অভিযান
প্ৰধানমন্ত্ৰী নৰেন্দ্ৰ মোদীয়ে শুভাৰম্ভণি কৰিব ভেকচিনেশ্যন প্ৰক্ৰিয়া

প্ৰধানমন্ত্ৰী নৰেন্দ্ৰ মোদীয়ে শুভাৰম্ভণি কৰিব ভেকচিনেশ্যন প্ৰক্ৰিয়া

  • Share this:
আজি সমগ্ৰ দেশৰ বাবেই এক ঐতিহাসিক দিন। কোৰোণা ভাইৰাছৰ মহাসংক্ৰমণৰ পৰা সমগ্ৰ দেশবাসীয়ে মুক্তি লাভ কৰাৰ পথত। আজিৰ পৰা সমগ্ৰ দেশতে আৰম্ভ হ'ব কোৰোণাৰ ভেকচিন প্ৰদান প্ৰক্ৰিয়া। ভাৰতৰ এই কোৰোণা ভেকচিনেশ্যন প্ৰক্ৰিয়া সমগ্ৰ বিশ্ৱৰ ভিতৰতে সবাটোতকৈ ডাঙৰ হিচাপে চিহ্নিত হৈছে। কোৰোণাৰ টিকা প্ৰদানৰ বাবে সাজু কৰি তোলা হৈছে ৩০০৬টা কেন্দ্ৰ।

অসমতো কোৰোণাৰ ভেকচিন প্ৰদানৰ বাবে বিশেষ পদক্ষেপ হাতত লোৱা হৈছে। দিনৰ ১০.৩০ বজাত প্ৰথম ভেকচিন ল'ব ৰাজ্যৰ ১২ জন বিশিষ্ট চিকিৎসকে। অসমত প্ৰথম ভেকচিন ল'ব ডাঃ উমেশ চন্দ্ৰ শৰ্মাই ৷ দ্বিতীয় ভেকচিন ল'ব ডাঃ ধ্ৰুৱজ্যোতি বৰাই ৷ তৃতীয় ভেকচিন ল'ব পদ্মশ্ৰী ডাঃ ইলিয়াছ আলীয়ে।

ভেকচিন গ্ৰহণৰ প্ৰক্ৰিয়া

কোভিড১৯ৰ ভেকচিন ল'বই লাগিব বুলি ধৰা বন্ধা নিয়ম নাই। কিন্তু কোৰোণা যুদ্ধা সকলে ভেকচিন লোৱাটো জৰুৰী। প্ৰথম ভেকচিনৰ লোৱাৰ ২৮ দিন পিছত দ্বিতীয় ডোজ ল'ব লাগিব ৷ আকৌ তাৰ ১৪ দিনৰ পিছত তৃতীয় ডোজ ভেকচিন ল'ব লাগিব ৷ প্ৰথম ডোজ লোৱাৰ পিছতো কোভিড১৯ শেষ নহয় ৷ তিনি ডোজ ল'লেহে কোভিড১৯ৰ পৰা নিৰাময় পাব। লগতে দেহত ৰোগ প্ৰতিৰোধ ক্ষমতা শক্তিশালী হ'ব।

আজি তিনি কোটি মানুহক ভেকচিন দিয়া হ'ব ৷ মুঠ ৩০ কোটি প্ৰথম পৰ্যায়ত দিয়া হ'ব।অসমত কোৰোণা যুদ্ধাক প্ৰথম পৰ্যায়ত ভেকচিন দিয়া হ'ব। চিকিৎসক, নাৰ্ছ, এম্বুলেন্সৰ চালক আদিক কোৰোণা যুদ্ধা হিচাপে ধৰা হৈছে। আনহাতে  দ্বিতীয় পৰ্যায়ত ফ্ৰণ্টলাইনত কাম কৰা সকলক ভেকচিন দিয়া হ'ব ৷ আৰক্ষী, CRPF আদি ইয়াৰ আওঁতাত পৰে। তৃতীয় পৰ্যায়ত বাকীসকলক দিয়া হ'ব।
Published by: Himangshu Bhuyan
First published: January 16, 2021, 9:10 AM IST
আৰু চাওক
পৰৱৰ্তী বাতৰি

শেহতীয়া বাতৰি