Corona Vaccine: সোমবাৰৰ পৰা বিদ্যালয়ে বিদ্যালয়ে দিয়া হ'ব ভেকচিন, মুঠ ২০ লাখ যুৱক-যুৱতীক প্ৰতিষেধক প্ৰদানৰ লক্ষ্য!

সোমবাৰৰ পৰা বিদ্যালয়ে বিদ্যালয়ে ভেকচিন (Corona Vaccine) প্ৰদান কৰিব ৰাজ্যৰ স্বাস্থ্য  বিভাগে ৷ বিদ্যালয় মহাবিদ্যালয়ৰ ১৫ৰ পৰা ১৮ বছৰ বয়সৰ ছাত্ৰ-ছাত্ৰীসকলক স্বাস্থ্য বিভাগে প্ৰদান কৰিব ভেকচিন ! ৭ দিনত ২০ লাখ ভেকচিন প্ৰদানৰ লক্ষ্য লৈছে স্বাস্থ্য বিভাগৰ ৷

জিলাভিক্তিত উপাযুক্তসকলে দৈনিক প্ৰদান কৰিব ভেকচিন ৷  ৭ দিনৰ ভিতৰত ১৫ ৰ পৰা ১৮ বছৰৰ শিক্ষাৰ্থীসকলক ভেকচিন প্ৰদান কাৰ্য্য সম্পন্ন কৰাৰ লক্ষ্য নিৰ্ধাৰণ কৰা হৈছে ৷ মুখ্যমন্ত্ৰী হিমন্ত বিশ্ব শৰ্মা (Himanta Biswa Sarma)ই দুলীয়াজানত আৰু স্বাস্থ্য মন্ত্ৰী কেশৱ মহন্ত (Keshab Mahanta)ই গুৱাহাটীত শুভাৰম্ভ কৰিব এই ভেকচিন প্ৰদান অনুষ্ঠানৰ ৷ চৰকাৰী-বেচৰকাৰী কোনো এগৰাকী শিক্ষাৰ্থী যাতে ভেকচিন লাভৰ পৰা বঞ্চিত নহয় তাৰ প্ৰতি বিশেষ লক্ষ্য থাকিব স্বাস্থ্য বিভাগৰ ৷

ইপিনে বিদ্যালয়ৰ বাহিৰত থকা ১৫ বছৰৰ উৰ্ধৰ যুৱক-যুৱতীক পূৰ্বৰ কেন্দ্ৰসমূহত ৩ জানুৱাৰীৰ পৰা প্ৰদান কৰা হ'ব ভেকচিন ৷

Read all News in Assamese, Assam News Today, Entertainment News in Assamese, Business News in Assamese, Sports News in Assamese, Health News in Assamese, India News in Assamese

উল্লেখ্য যে হাইস্কুল আৰু উচ্চতৰ মাধ্যমিক চূড়ান্ত পৰীক্ষাৰ প্ৰাকক্ষণত দ্বিতীয় পালি ভেকচিন সম্পন্ন কৰাৰ কঠোৰ নিৰ্দেশ স্বাস্থ্য মন্ত্ৰী কেশৱ মহন্তৰ ৷

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।