ওচৰ-চুবুৰীয়াক সম্ভাষণ জনাই 108ত উঠিল ডিব্ৰুগড়ৰ কোৰোণাত আক্ৰান্ত, দিলে- 'জয় শ্ৰী ৰাম ধ্বনি’

এজন কোৰোণাত আক্ৰান্ত ৰোগীৰ নাই কোনো ভয়। হাত-চাপৰিৰে ওচৰ-চুবুৰীয়াক সম্ভাষণ জনাই 108ত উঠিল ডিব্ৰুগড়ৰ কোৰোণাত আক্ৰান্ত ৰোগী। আনকি গাড়ীত উঠাৰ আগত জয় শ্ৰী ৰাম ধ্বনিও দিয়ে ৰোগীজনে।

এই ঘটনা ডিব্ৰুগড় চহৰৰ মাজমজিয়াৰ HS ৰোডৰ। যোৱা ৭ জুনত নিজ কইনাৰ বিবাহৰ বজাৰৰ বাবে গুৱাহাটীলৈ যোৱা ৰমেশ কেডিয়া নামৰ ব্যক্তিজন ওভতি আহিছিল ডিব্ৰুগড়লৈ। আহিয়েই জ্বৰত আক্ৰান্ত হৈছিল লোকজন। পিছত ১৪ জুনত তেখেতৰ দেহত ধৰা পৰিল কোৰোণা ভাইৰাছৰ অৱস্থিতি। তাৰ পাছতে বুধবাৰে ৰমেশ কেডিয়াৰ পৰিয়ালৰ মুঠ ৬জন লোকৰ দেহত ধৰা পৰিল কোৰোণা।